Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Kriza politike në Kanada, alternativat e Kryeministrit Trudeau
E.DPërditësimi i fundit 20 Dhjetor 2024, 22:24
KANADA- Kreu i partisë kanadeze në pushtet tha të premten se do të votonte në favor të një mocioni mosbesimi ndaj Kryeministrit Justin Trudeau, çka mund të sjellë largimin e liberalëve nga pushteti në fillim të vitit të ardhshëm.
Kryeministri Trudeau ka qenë nën një trysni në rritje për të dhënë dorëheqjen që kur Ministrja e Financave, Chrystina Freeland dha dorëheqjen pas një përplasje për politikat të hënën.
ÇFARË NDODH NËSE TRUDEAU JEP DORËHEQJEN?
Nëse zoti Trudeau jep dorëheqjen, Partia Liberale e Kanadasë do të emërojë një udhëheqës të përkohshëm për postin e kryeministrit, deri një përzgjedhjen e kryeministrit përmes një kuvendi special të partisë.
Sfida qëndron tek organizimi i kuvendit, për të cilin duhen muaj pune. Nëse nuk arrihet kjo, liberalët do të jenë në dorën e kryeministrit të përkohshëm që nuk zgjidhet nga anëtarët.
Kanadaja nuk është përballur më parë me një situatë të tillë. Liberalët mund të përpiqen të organizojnë një kuvend më të shkurtër se zakonisht, por kjo mund të shkaktojë pakënaqësi mes kandidatëve që e shohin atë si disavantazh.
Sipas traditës, udhëheqësi i përkohshëm nuk kandidon për të drejtuar partinë, çka nënkupton që zonja Freeland nuk mund të emërohet me shpejtësi në postin e kryeministres së përhershme.
A MUND TA LARGOJË PARTIA ZOTIN TRUDEAU?
Ndryshe nga Britania, ku udhëheqësit e partive zgjidhen nga grupi parlamentar dhe mund të hiqen shpejt, udhëheqësi i Partisë Liberale zgjidhet përmes votimit në një kuvend special. Nuk ka një mekanizëm zyrtar për ta larguar zotin Trudeau nëse ai dëshiron të qëndrojë.
A MUND TA LARGOJË PARLAMENTI ZOTIN TRUDEAU?
Qeveria duhet të tregojë se gëzon besimin e ligjvënësve në Dhomën e Komunave. Votimi i buxhetit dhe shpenzimeve të tjera konsiderohen si masa votëbesimi. Praktikisht, në raste të tilla, fushata zgjedhore fillon menjëherë.
Për më tepër, qeveria duhet të caktojë disa ditë për çdo seancë të kërkuar nga partitë opozitare të cilat mund të paraqesin mocionet për çdo çështje, përfshirë mosbesimin. Dhoma e Komunave mori pushimet dimërore të martën dhe kthehet në punë më 27 janar. Kjo do të thotë se vetëm në fillim të shkurtit opozita mund të kërkojë mocion mosbesimi.
MËNYRA TË TJERA PËR LARGIMIN E TRUDEAUT
Pushteti kushtetues i Kanadasë është në dorën e Guvernatores së Përgjithshme, Mary Simon, e cila është përfaqësuesve personale e Mbretit Charles, kreu i shtetit të Kanadasë. Teorikisht, ajo mund ta largojë zotin Trudeau, por realisht nuk do të ndodhë..VOA
