Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Kush është Zohran Mamdani, migranti 34-vjeçar që do të udhëheqë Nju Jorkun
PiranjatPërditësimi i fundit 5 Nëntor 2025, 10:36
Në një rezultat historik për qytetin më të madh të Shteteve të Bashkuara dhe simbolin global të kapitalizmit, Zohran Mamdani, një mysliman i moshës 34 vjeçare dhe demokratëshocialist, është zgjedhur kryebashkiaku i ri i New York City.
Ai bëhet jo vetëm kreu i parë i këtij profili në historinë e qytetit, mysliman, me origjinë nga Azia Jugore por edhe kryebashkiaku më i ri në më shumë se një shekull.
Mamdani ka lindur në Ugandë, në familjen e një profesori dhe një regjizoreje të Indisë, dhe më vonë është bërë qytetar amerikan. Karriera e tij politike nisi si anëtar i Asamblesë Shtetërore në Nju Jork por më pas u shfaq si përfaqësues i gjeneratës së re progresive brenda Partisë Demokratike, me mbështetjen e figurave si Bernie Sanders dhe Alexandria Ocasio‑Cortez.
Në fushatën për kryetar, Mamdani u ndal tek çështje të përballueshmërisë, strehimi, transporti publik, mbështetja për familjet e punësuara dhe zbuloi një mobilizim të gjerë të votuesve të rinj dhe për komunitetet multietnike. Ai përballoi me sukses ish-guvernatorin Andrew Cuomo, simbol i “establishmentit” tradicional.
Fitorja e Mamdani shënon më shumë se një zgjedhje lokale: është një mesazh ndryshimi në politikën amerikane, që tregon përfaqësimin e diversitetit, përfshirjen e komuniteteve të pazëshme historikisht dhe forcimin e krahut progresiv brenda demokratëve. Analistët e cilësojnë si “fytyrën e re të Amerikës urbane dhe progresive”.
