Një shpërthim me lëndë të dyshuar plasëse është regjistruar në orët e para të mëngjesit të so...
BOTA
La mënjanë rripin e kampionit të boksit të peshave të rënda për t'i treguar "dhuratën" e pakëndshme, zbulohet shkaku që tensionoi bisedimet mes Trump dhe Zelenskyy-t në Zyrën Ovale
n.fPërditësimi i fundit 25 Mars 2025, 08:40
SHBA- Dhurata e gabuar që presidenti ukrainas, Volodymyr Zelenskyy-t i bëri homologut të tij amerikan Donald Trump mund të ketë qenë arsyeja e takimit të tënsionuar mes tyre në Shtëpinë e Bardhë. Ky takim i tensionuar që synonin rivendosjen e marrëdhënieve midis dy vendeve çoi në largimin e parakohshëm të presidentit ukrainas nga ambientet e Shtëpisë së Bardhë.
Zelenskyy në një intervistë për revistën Time është shprehur se për këtë takim kishte hapa të planifikuar. Presidenti Zelenskyy ka qenë në Shtëpinë e Bardhë disa herë gjatë luftës por ky do të ishte takimi i tij i parë me Trump në Zyrën Ovale dhe do të shënonte një pikë kritike në përpjekjen e presidentit amerikan për të arritur një marrëveshje paqeje në Ukrainë.
Për të lënë përshtypje, Zelenskyy vendosi të merrte me vete një sërë dhuratash. Një nga dhuratat përshtatet me një traditë në zhvillim të epokës Trump, në të cilën vizitorët sjellin shenja të shkëlqyera respekti për të. Zelenskyy vendosi të merrte si dhuratë rripin e kampionit të boksit. Ai e kishte vendosur rripin në një tavolinë në të djathtën e tij dhe kishte planifikuar tia dorëzonte Trumpit para gazetarëve të mbledhur.
Në vend të kësaj, me fillimin e konferencës televizive, Zelenskyy kërkoi të tregonte përpara një tjetër nga "dhuratat" e tij. Ishte një dosje që përmbante një seri fotografish të tmerrshme, që tregonin të burgosurit ukrainas të luftës pas kohës së tyre në robërinë ruse. Disa prej trupave të tyre ishin tmerrësisht të dobësuar. Të tjerë treguan shenja torture.
"Kjo është diçka e vështirë," tha Trump dërsa mori fotot nga Zelenskyy dhe filloi t'i shfletonte ato. Këto foto, sipas disa zyrtarëve amerikanë, shënuan pikën ku takimi shkoi keq.
Nëse Zelensky do të kishte ofruar rripin e kampionatit, situata nuk do të kishte shkuar deri në tensionim të bisedimeve. Fotot patën efekt të kundërt duke i lënë pakënaqësi Trump-it i cili së bashkë me Vance i dolën kundër Zelenskyyt të cilin e vendosën në pozitë të vështirë para publikut i cili po e ndiqte live takimin. Megjithatë Zelenskyy është shprehur se nuk është penduar për vendimin e tij për të paraqitur këto imazhe.
