Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Lufta Ukrainë-Rusi/ Raundi i dytë i bisedimeve do të zhvillohet më 2 qershor në Stamboll! Çfarë pritet të diskutojnë dy palët
E.DPërditësimi i fundit 28 Maj 2025, 18:32
UKRAINË- Ministri i Jashtëm rus Sergei Lavrov njoftoi se raundi i dytë i negociatave midis Rusisë dhe Ukrainës do të zhvillohet në Stamboll më 2 qershor.
"Delegacioni rus i kryesuar nga Medinsky është gati t'i paraqesë Ukrainës një memorandum mbi zgjidhjen e krizës ukrainase në Stamboll më 2 qershor", tha ministri rus.
Takimi i parë i përfaqësuesve të Moskës dhe Kievit, pas tre vitesh, u zhvillua më 16 maj në Stamboll. Palët ranë dakord të kryenin një shkëmbim masiv të të burgosurve 1,000 për 1,000 dhe të paraqisnin vizionin e tyre për mundësitë e një armëpushimi në të ardhmen.
Ukraina kërkoi një takim të krerëve të shteteve në negociata, ndërsa Rusia e mori parasysh këtë kërkesë. Më herët gjatë ditës së sotme, këshilltari i Putinit, Vladimir Medinsky, tha se i telefonoi ministrit ukrainas të Mbrojtjes, Rustam Umerov dhe i sugjeroi një ditë dhe vend të saktë për takimin e delegacioneve të të dy vendeve.
“Lexova lajmin e përhapur nga të gjitha agjencitë ndërkombëtare se Umerov gjoja më telefonoi në lidhje me memorandumin, të cilin, sipas pretendimeve të tyre, ne ende nuk e kemi përgatitur. Ata thonë se rusët nuk po nxitojnë. Gjithçka ishte... pothuajse kështu. Përveçse e kundërta ishte e vërtetë”, u tha Medinsky gazetarëve.
Këshilltari i Putinit dhe kreu i delegacionit negociator rus dhe deklaroi se ka telefonuar Umerovin sot dhe ka propozuar një datë dhe vend specifik për një takim me qëllim shkëmbimin e memorandumeve.
"Atje, pikërisht aty, ne jemi gati të fillojmë një diskutim thelbësor mbi secilën nga pikat e marrëveshjes së përgjithshme për një armëpushim të ardhshëm", vuri në dukje ai.
Medinsky tha se pala ukrainase donte të konsultohej dhe padyshim, takimi (i ri) është shtyrë.
"Ne presim konfirmimin e tyre sa më shpejt të jetë e mundur dhe jemi gati të takohemi personalisht në datën që kemi caktuar në ditët në vijim - dhe të fillojmë punën. Në interes të paqes afatgjatë dhe shpëtimit të jetëve njerëzore", tha këshilltari presidencial rus.
