Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Makina futet mes turmës me njerëz në një demonstratë në Mynih, plagosen 27 persona, në pranga autori
n.fPërditësimi i fundit 13 Shkurt 2025, 13:49
GJERMANI- Një makinë ka përplasur një turmë të njerëzish në Gjermani. Sipas raporteve fillestare, raportohet se të paktën 27 persona janë lënduar, mes tyre edhe fëmijë. Dy nga të plagosurit janë në gjendje shumë të rëndë, ndërsa në rrezik është edhe jeta e një fëmije.
Incidenti ndodhi gjatë një demonstrate nga sindikata e punëtorëve Verdi për pagat në Dachauer Straße, rruga më e madhe e Mynihut. Në pikën ku ishin mbledhur rreth 2500 persona, forca të forta policore dhe ambulanca nxituan për t'i dhënë ndihmën e parë të plagosurve. Autoritetet besojnë se makina Mini Cooper u fut qëllimisht në protestuesit.
Një dëshmitar okular raportoi se shoferi, një 24-vjeçar afgan u fut me dashje makinën në turmë. Dëshmitarë të tjerë kanë folur edhe për dy persona brenda automjetit dhe të shtëna nga policia, ndërsa drejtuesi i mjetit është arrestuar.
“Unë isha duke ecur me protestuesit. Kur makina hyri në turmë, unë vrapova dhe pashë që një burrë ishte nën makinë. Më pas u përpoqa të hap derën, por ajo ishte e mbyllur," tha një dëshmitar duke shtuar s në fund policia erdhi dhe qëlloi përmes xhamit të makinës. Një tjetër dëshmitar theksoi se një nënë dhe fëmija i saj u plagosën në garën e çmendur të makinave.
Kryetari i Bashkisë së Mynihut Dieter Reiter tha se ishte thellësisht i tronditur në deklaratën e parë për incidentin. Ai shtoi se mendimet e tij janë me të lënduarit.
“Policia ka arrestuar drejtuesin e mjetit, por historia e tij e saktë ende nuk është zbardhur”, tha Reiter. Vlen të theksohet se nesër në Mynih fillon Konferenca vjetore e Sigurisë, e cila ka dallimin se do të zhvillohet disa javë pasi Donald Trump mori presidencën amerikane.
