Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Marine Le Pen: Partia ime ka qenë gjithmonë pro izraelite
e. dPërditësimi i fundit 28 Qershor 2024, 19:40
Marine Le Pen
FRANCË-Partia e ekstremit të djathtë Rally National (RN) në Francë ndoqi një linjë anti-izraelite në vitet e saj të para, ajo ndryshoi rrënjësisht këtë politikë gjatë periudhës së Marine Le Pen, e cila mori drejtimin në vitin 2011. Presidenti francez, Emmanuel Macron shpërndau parlamentin dhe vendosi të mbajë zgjedhje të parakohshme pasi partia RN e ekstremit të djathtë të Marine Le Pen zuri vendin e parë me një diferencë të madhe në zgjedhjet e Parlamentit Evropian (PE) të mbajtura më 6-9 qershor.
Sulmet e Izraelit ndaj Rripit të Gazës dhe njohja e shtetit palestinez janë ndër çështjet në axhendën e fushatave të partive dhe aleancave për zgjedhjet me dy raunde që do të mbahen nga 30 qershori deri më 7 korrik. Derisa RN e ekstremit të djathtë u akuzua për përdorimin e gjuhës politike antisemitike në periudhat e hershme që nga themelimi i saj në vitin 1972, lideri themelues i RN, Jean-Marie Le Pen, babai i udhëheqëses aktuale Marine Le Pen, ishte i njohur për kritikimin e shpeshtë të sulmeve të Izraelit ndaj popullit palestinez.
Jean-Marie Le Pen, derisa komentonte sulmet e Izraelit në Gaza në vitet 2008-2009, ai e përshkroi Gazën si një kamp përqendrimi ku njerëzit janë të privuar nga mjetet për tu mbrojtur. Kur vajza e Jean Le Pen, Marine Le Pen mori drejtimin e RN në vitin 2011, ekstremistët e djathtë ndryshuan diskursin e tyre për Izraelin. Marine Le Pen deklaroi në kanalin LCI, ku ishte e ftuar më 29 maj 2023, se babai i saj Jean-Marie Le Pen kishte marrëdhënie jashtëzakonisht të vështira me komunitetin hebre.
“RN ka qenë gjithmonë në favor të krijimit të shtetit hebre gjatë historisë”, tha Le Pen dhe pretendoi se partia e tyre ka qenë gjithmonë sioniste. Me gjithë kritikat, dy emrat më të rëndësishëm të RN, Marine Le Pen dhe Jordan Bardella, morën pjesë në protestën pro-izraelite të mbajtur nën emrin protesta antisemitiste në Paris më 12 nëntor 2023.
Ish-zëdhënësi i qeverisë, Olivier Veran, i cili ishte në detyrë në atë kohë tha se RN nuk kishte vend në protestë ndërsa politikanët socialistë, ambientalistë dhe komunistë të opozitës njoftuan se nuk mund të marshonin krah për krah me RN raciste në protestë. Bardella, një nga figurat kryesore të RN-së së ekstremit të djathtë, njoftoi premtimet zgjedhore të RN në një konferencë më 24 qershor.
“Të njohësh Palestinën tani do të ishte njohja e terrorizmit. (Njohja e Palestinës) Kjo do t’i japë legjitimitet politik një organizate që parashikon shkatërrimin e shtetit të Izraelit në statutin e saj”, tha Bardella, duke iu referuar Hamasit.
Macron është i mendimit se nuk është koha e duhur për të njohur Palestinën Edhe pse presidenti francez Macron ka thënë shumë herë se është pro zgjidhjes me dy shtete në Lindjen e Mesme, ai mendon se nuk është koha e duhur për të njohur shtetin palestinez. Në deklaratën e tij të përbashkët për media me Mbretin Abdullah II të Jordanisë, të cilin e priti në Pallatin Elysee më 16 shkurt.
“Njohja e shtetit palestinez nuk është tabu për Francën”, tha Macron.
Megjithatë, vendet evropiane si Spanja, Irlanda dhe Norvegjia vendosën njëkohësisht të njohin shtetin palestinez më 28 maj, Franca nuk iu bashkua atyre. Macron në një deklaratë gjatë vizitës në Gjermani në të njëjtën ditë, tha se ai ishte plotësisht i gatshëm për të njohur Palestinën, por se ai mendonte se duhet bërë në një kohë të dobishme.
