Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
BOTA
Marine Le Pen po përballet me rrezikun e heqjes të së drejtës për të kandiduar në zgjedhjet e ardhshme në Francë: Duan të më përjashtojnë nga jeta publike!
n.fPërditësimi i fundit 13 Nëntor 2024, 22:59
Le Pen
FRANCË- Kryetarja e ekstremit të djathtë francez, Marine Le Pen po përballet me rrezikun që të mos kandidojë në zgjedhjet e ardhshme presidenciale të Francës në vitin 2027 pasi prokurorët rekomandojnë që ajo të shpallet fajtore për përvetësim. Ata gjithashtu kanë kërkua që ajo të burgoset dhe të ndalohet nga kandidimi për poste publike, përfshirë presidencën franceze.
Vendimi i gjykatës pritet në fillim të vitit 2025. Kreu i partisë së ekstremit të djathtë, Alarmi Kombëtar (RN) dhe 24 persona të tjerë duke përfshirë deputetë aktualë dhe ish-deputetë dhe eurodeputetë të Francës akuzohen për përdorimin e paligjshëm të fondeve të Parlamentit Evropian dhe shpërndarjen e tyre për të brendshme për qëllime partiake, në vend të mbulimit të kostove të lidhura me BE-në, nga 2004 në 2016.
Le Pen dhe të pandehurit e tjerë janë deklaruar të pafajshëm. Prokurorët kërkuan që t'i vendoset dënimi më i ashpër Le Pen, duke vënë në dukje se ajo ishte deputete dhe drejtuese e partisë në kohën kur dyshohet se ndodhën krimet financiare. Ata i kërkuan gjykatësit t'i jepte asaj një dënim me pesë vjet burg, me tre të pezulluar dhe një gjobë prej 300,000 €. Ndalimi i kandidimit për poste publike do të zgjatet përtej vitit 2027, kur janë planifikuar të mbahen zgjedhjet e ardhshme presidenciale.
“Është e qartë se e vetmja gjë që duan prokurorët është të më përjashtojnë nga jeta publike”, u tha ajo gazetarëve.
Gjatë gjyqit javën e kaluar, Le Pen tha se planifikonte të kandidonte për presidencën franceze për herë të katërt dhe se miliona francezë do të privoheshin nga kandidati i tyre presidencial nëse asaj i ndalohej ta bënte këtë. Mbrojtja tani do të ketë mundësinë të deklarohet para gjyqtarit, i cili do të shpallë një datë vendimi përpara datës 27 nëntor. Vetë aktgjykimi pritet, siç e parashikuam, në fillim të vitit 2025.
Dëmet financiare për taksapaguesit vlerësohen nga Parlamenti Evropian në 4.5 milionë euro, ndërsa pritet të kërkohet një dëmshpërblim shtesë prej 300 mijë eurosh. Propozimi i prokurorisë vjen në një kohë kur ndikimi i Le Pen në politikën franceze nuk ka qenë kurrë më i madh, me atë në një pozicion për të ushtruar një veto de facto mbi politikat e vendosura nga kryeministri Michel Barnier.
