Është ndërprerë furnizimi me ujë të pijshëm në qytetin e Vlorës.
Shoqëria e Ujësjellës-Kanalizime...
BOTA
Mbyti nënën me litar, dëshmia tronditëse e 18-vjeçarit grek: Gjithmonë kam dashur ta vras! Kishte afera jashtëmartesore
PiranjatPërditësimi i fundit 21 Tetor 2025, 17:25
Komuniteti i Trikalës është e tronditur pas vrasjes së shëmtuar që ndodhi në zonën e Flamoulit, kur një 18-vjeçar vrau nënën e tij duke e mbytur me një peshqir banjoje.
Pasi kreu aktin e tij të tmerrshëm dhe në gjendje të qetë, 18-vjeçari telefonoi policinë, u tha se vrau nënën e tij dhe qëndroi brenda shtëpisë së tyre duke pritur që policia të shkonte ta arrestonte.
I riu vrasës i nënës, në një gjendje krejtësisht të qetë psikologjike, foli në polici dhe përshkroi arsyet që e çuan në këtë veprim. "Gjithmonë kam dashur ta vras nënën time, sepse ajo nuk më kushtoi vëmendje, debatonte me mua dhe kishte shumë lidhje."
Me këto fjalë, 18-vjeçari nga Trikala i përshkroi policisë, sipas informacioneve arsyet që e çuan sot në vrasjen e nënës së tij.
Nëna, sipas informacioneve, ishte ndarë nga babai i vrasësit 18 vjeçar, ndërsa nënë e bir kishin grindje të shpeshta.
Megjithatë, sot nuk duket se ishin grindur dhe se të dy po shikonin televizor para krimit.
"Pa ndodhur asgjë mes nesh, u ngrita, vendosa, mora peshqirin e saj, e vura rreth qafës, e shtrëngova dhe e vrava", i ka deklaruar 18-vjeçari policisë, e cila nxitoi në vendin e ngjarjes së krimit të shëmtuar, shkruan Protothema.
Duhet theksuar gjithashtu se trupi i gruas së pafat do të transferohet në shërbimin mjeko-ligjor të Larisës për të kryer autopsinë.
"Është shumë tragjike", tha një fqinj i 54-vjeçares. "Nuk kam idenë se çfarë ka ndodhur. Fëmijët nuk jetonin me të", shtoi ajo. /Piranjat.al/
