Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Mesazhi i së dielës nga Papa për besimtarët: Po përjetoj një periudhë sprove, trupi im është i dobët
r.llPërditësimi i fundit 16 Mars 2025, 15:49
papa
VATIKAN- Papa Françesku ka dhënë mesazhin e tij me shkrim të së dielës drejtuar besimtarëve nga spitali Gemelli në Romë, ku ndodhet ende i shtruar.
“Po përjetoj një periudhë sprove, jam në krah të shumë vëllezërve dhe motrave të sëmurë që aktualisht ndihen të pambrojtur”, është shprehur Papa Françesku.
"Trupi im është i dobët, por, edhe në këto rrethana, askush nuk mund të më pengojë të dua, të lutemi dhe të jap veten. Le të jemi, për njëri-tjetrin, në besimin tonë, shenja të ndritshme shprese," shtoi Papa, shëndeti i të cilit po përmirësohet.
Françeskufalënderoi të gjithë besimtarët për lutjet e tyre, si dhe të gjithë mjekët dhe infermierët që po i ofrojnë kujdes në spitalin Agostino Gemelli në Romë. Papa nuk mungoi të shprehë mirënjohjen e tij për 300 fëmijët që u mblodhën në sheshin e klinikës në mëngjes për t'i ofruar një "përqafim simbolik".
“E di që shumë fëmijë po luten për shërimin tim, disa prej tyre kanë ardhur edhe në spital, për të më treguar se janë pranë meje”. Faleminderit fëmijë të dashur. Papa ju do dhe gjithmonë pret të ju takojë”, theksoi Françesku.
