Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
BOTA
Mickoski për takimin e mundshëm me Mitsotakis në Washington: Shpresoj se do të diskutojmë si fqinjë të mirë
E.DPërditësimi i fundit 5 Korrik 2024, 18:34
MAQEDONIA E VERIUT- Kryeministri i Maqedonisë së Veriut, Christian Mickoski, tha se në rast se do të ketë një takim me kryeministrin e Greqisë, Kyriakos Mitsotakis, në Samitin e ardhshëm të NATO-s që do të mbahet në Washington nga 9 deri më 11 korrik shpreson që ata të ruajnë dinjitetin dhe se do të bisedojnë si fqinjë dhe partnerë të mirë.
“Shpresoj se do ta ruajmë dinjitetin tonë dhe do të diskutojmë si partnerë dhe si fqinjë të mirë nëse do të ketë një diskutim të tillë. Nëse nuk ka takim në këtë fazë (nënkupton në Uashington), shpresoj se do të ketë së shpejti”, tha Christian Mickoski.
Mickoski gjithashtu vuri në dukje se qëndrimi i qeverisë është ndërtimi i marrëdhënieve të mira me të gjithë fqinjët, por shtoi se marrëdhëniet duhet të kenë drejtim të dyanshëm.
“Qëndrimi ynë si qeveri është se duam të kemi marrëdhënie të mira me fqinjët tanë, që duam të ndërtojmë ura bashkëpunimi, se për ne kjo është një rrugë me dy drejtime. Mendoj se deri tani ishin mësuar me një rrugë njëkahëshe, por tani jemi politikanë dhe një qeveri që duam të praktikojmë një politikë të dyanshme të fqinjësisë së mirë dhe do të vazhdojmë të sillemi në këtë mënyrë”, tha kryeministri.
