Një shpërthim me lëndë të dyshuar plasëse është regjistruar në orët e para të mëngjesit të so...
BOTA
Ndahet nga jeta Papa Françesku/ Ish-presidenti Barack Obama: Unë dhe Michelle vajtojmë me mbarë botën, katolikë dhe jo-katolikë...
m.lPërditësimi i fundit 21 Prill 2025, 19:47
SHBA- Pas 12 vitesh si kreu i Kishës Katolike, Papa Françesku vdiq sot në moshën 88-vjeçare. Ai ishte i njohur për përulësinë e tij, si dhe për qasjen e tij progresive ndaj papatit, kohët e fundit u përball me disa probleme shëndetësore, përfshirë një qëndrim 38-ditor në Spitalin Poliklinik Agostino Gemelli në Romë, ku u shtrua për shkak të bronkitit dhe më vonë zhvilloi pneumoni të dyfishtë.
Në dritën e lajmit të vdekjes së tij, disa personazhe të famshëm kanë përdorur mediat sociale për të shprehur ngushëllimet e tyre. Ndër to ishte ish-Presidenti i SHBA-së, Barack Obama, i cili u takua me Papën gjatë mandatit të tij në Shtëpinë e Bardhë, foli për lidershipin shembullor të klerikut të ndjerë.
"Papa Françesku ishte udhëheqësi i rrallë që na bëri të donim të ishim njerëz më të mirë. Me përulësinë e tij dhe gjestet e tij njëkohësisht të thjeshta dhe të thella, duke përqafuar të sëmurët, duke u shërbyer të pastrehëve, duke larë këmbët e të burgosurve të rinj, ai na nxori nga vetëkënaqësia jonë dhe na kujtoi se të gjithë jemi të lidhur nga detyrimet morale ndaj Zotit dhe njëri-tjetrit. Sot, unë dhe Michelle vajtojmë me të gjithë në mbarë botën, katolikë dhe jo-katolikë njësoj, që morën forcë dhe frymëzim nga shembulli i Papës. Le të vazhdojmë t'i kushtojmë vëmendje thirrjes së tij për të mos mbetur kurrë në kufijtë e këtij marshimi të shpresës së gjallë", shkroi Obama.
