Teksa pritet që të nisë pas pak protesta e qytetarëve para bulevardit Dëshmorët e Kombit, policia ka marrë masa.
Siç ...
BOTA
Në Gaza por arrihet armëpushimin, në Bregun Perëndimor të pushtuar ushtria dhe kolonët izraelitë plagosin 36 palestinezë
PiranjatPërditësimi i fundit 10 Tetor 2025, 23:13
Të paktën 36 persona, përfshirë gazetarë, u plagosën të premten gjatë sulmeve të ushtrisë izraelite dhe kolonëve të paligjshëm në Bregun Perëndimor të pushtuar, njoftoi Ministria e Shëndetësisë.
Në një deklaratë, ministria bëri të ditur se 36 persona u trajtuan për lëndime, përfshirë dy nga plumbat e drejtpërdrejtë, pas sulmeve të kolonëve dhe ushtarëve izraelitë në qytetet Beita, Huwara dhe Deir Sharaf në rajonin e Nablusit.
Sipas agjencisë palestineze Wafa, kolonët e paligjshëm sulmuan fermerët palestinezë ndërsa këta po korrnin ullinj në zonën Jabal Qamas në Beita, duke i rrahur dhe duke u vënë zjarrin tre automjeteve, njëri prej të cilëve i përkiste një fotografi të AFP-së.
Ushtarët izraelitë bastisën zonën dhe qëlluan granata trullosëse e bombola gazi lotsjellës ndaj civilëve, duke shkaktuar dhjetëra raste asfiksimi nga thithja e gazit, shtoi Wafa.
Burime lokale i thanë agjencisë Anadolu se tre gazetarë u plagosën gjatë bastisjes izraelite.
Sulme të ngjashme nga kolonët u raportuan edhe në fshatrat Aqraba, Al-Lubban al-Sharqiya dhe Ammuriya, në jug të Nablusit. Në qarkun Ramallah dhe al-Bireh, në Bregun Perëndimor qendror, forcat izraelite arrestuan gjashtë palestinezë ndërsa po mblidhnin ullinj në fshatin Kafr Ni’ma, pasi u sulmuan nga kolonët në zonë.
Sulme të tilla nga kolonët zakonisht shtohen gjatë sezonit vjetor të korrjes së ullinjve, i cili për shumë fermerë palestinezë është burimi kryesor i të ardhurave.
Sipas të dhënave zyrtare palestineze, që nga fillimi i ofensivës kundër Rripit të Gazës dy vite më parë, mbi 1.050 palestinezë janë vrarë, rreth 10.300 janë plagosur dhe mbi 20.000 janë arrestuar, përfshirë rreth 1.600 fëmijë.
Që nga tetori 2023, sulmet izraelite kanë vrarë gati 67.200 palestinezë në enklavë, shumica gra dhe fëmijë, duke e bërë Gazën praktikisht të pabanueshme.
