Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Nënshkrimi i Dokumentit të Partneritetit me BE, Rama: Lidhja jonë është pandalshme
r.llPërditësimi i fundit 18 Dhjetor 2024, 12:06
edi rama
BRUKSEL- Kryeministri Edi Rama ka reaguar pas nënshkrimit të Dokumentit të Partneritetit me BE mes Përfaqësueses së Lartë të BE-së për Punët e Jashtme dhe Politikën e Sigurisë, Kaja Kallas me ministrin për Punët e Jashtme, Igli Hasani, dhe ministrin e Mbrojtjes, Pirro Vëngu.
Pas nënshkrimit të dokumentit, Rama shprehet se kjo marrëveshje është e rëndësishme sepse është sipas tij një shenjë që lidhja BE-Shqipëri është e pandashme. Kryeministri e ka shoqëruar me video nënshkrimin e marrëveshjes.
"Është një ditë e gjatë dhe ditë e rëndësishme për ne sepse kemi edhe samitin vjetor me BE. Ndërkohë u zgjuam me ndjesë të këndshme sepse kemi hapur një tjetër grup kapitujsh. Është një moment shumë i mirë, por dua të shfrytëzoj këtë mundësi për t’ju uruar për këtë emërim. Ndihemi të privilegjuar sepse kemi kaluar një rrugë të gjatë. E dini çfarë do të thotë të lindësh dhe të rritesh në diktaturë, pastaj të luftosh për lirinë, më pas të luftosh për të ndërtuar demokracinë dhe zhvilluar shoqërinë. Kjo marrëveshje është e rëndësishme, sepse është një shenjë që lidhja jonë është e pandashme dhe që duhet të bëjmë më të mirën për ta forcuar cdo ditë e më shumë. Shpreh falënderimet për BE, për të gjithë ata që ne emër të BE po punojnë për të shtyrë përpara këtë axhendë të ribashkimit të plotë të Evropës.", tha Rama.
