Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Ngritja e aktakuzës nga Prokuroria/ "Fëmijët kanë kuptuar gjithçka", vëllai i Liridona Ademajt: Është një ditë e rëndë për familjen tonë
r.llPërditësimi i fundit 15 Janar 2025, 13:23
leonard ademaj
TIRANË- Prokuroria Themelore e Prishtinës ka bërë të ditur se kanë përfunduar hetimet dhe kanë ngritur aktakuzë për të akuzuarit për vrasjen e Liridona Ademajt. Të akuzuarit janë bashkëshorti i saj, Naim Murseli, Kushtrim Kokalla dhe Granit Plava, dhe një i akuzuar tjetër, por që emri i tij nuk është bërë publik.
Pas ngritjes së aktakuzës vëllai i Liridonës, Leonard Ademaj, shpreson se drejtësia do të vijë në vendin e vet. Ai u shpreh se e sotmja është një ditë e rëndë për familjen e tij. Ai tha se ende nuk e ka lexuar aktakuzën ndaj të dyshuarve, dhe për këtë arsye nuk mund të japë më shumë detaje për përmbajtjen e saj. Më tej Ademaj ka treguar se fëmijët e Liridonës kanë kuptuar gjithçka dhe se gjendja e tyre është jo aq e mirë.
“E mirëpresim ngritjen e aktakuzës, ne kemi besuar në drejtësi dhe vazhdojmë të besojmë. Ajo çfarë duam ne është që Gjykata sa më shpejt një dënim kapital që të lehtësojë zemrat tona sado pak dhe të fëmijëve të saj. Aktakuzën ende nuk e kemi pranuar… Takohemi me fëmijët. Fëmijët kanë kuptuar gjithçka. Gjendja e tyre nuk është edhe aq e mirë, kanë psikologë dhe njerëz adekuat që merren me ta, por çfarë shohim ne është se ata janë shumë të mërzitur. Cili është motivi? Akoma nuk e kemi lexuar aktakuzën, kur ta lexojmë atë do ta shohim edhe ne. Është një ditë e rëndë për neve, kërkojmë të na mirëkuptoni, po shpresojmë që drejtësia sa më parë të vijë në vendin e vetë”, theksoi Ademaj.
