Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Nxënësi 11-vjeçar po shihte video kur u përplas për vdekje nga treni
PiranjatPërditësimi i fundit 4 Nëntor 2025, 19:41
Një djalë 11-vjeçar i cili vdiq pasi u godit nga një tren në një kalim hekurudhor, ndoshta po shikonte një video në telefonin e tij në kohën e aksidentit, thanë hetuesit. Jaiden Shehata po shkonte për në shkollë kur u përplas për vdekje, në jug të Londrës, tha Dega e Hetimit të Aksidenteve Hekurudhore (RAIB).
Jaiden, i cili ishte nxënës në shkollën e mesme Riddlesdown Collegiate aty pranë, u godit nga një tren i linjës Southern që udhëtonte me rreth 80 km/orë.
Makinisti i trenit i ra borisë dhe përdori frenën e emergjencës kur pa djalin që po fillonte të kalonte hekurudhën, por, megjithatë djali nuk pati kohë të largohej para se treni të arrinte në vendkalim.
Jaiden, i cili e kishte përdorur kalimin rregullisht që kur filloi të ndiqte shkollën në Riddlesdown Collegiate shtatorin e kaluar, pësoi lëndime fatale pasi u godit nga treni, i cili u ndal rreth 200 metra më tej përgjatë linjës.
Fëmija nuk e kuptoi rrezikun në të cilin ndodhej, ndoshta sepse ishte "i shpërqendruar" nga telefoni i tij, përfundoi bordi.
Pamjet e kamerave të sigurisë treguan se kapuçi i Jaiden ishte i varur mbi kokë dhe, ndërsa ecte drejt kryqëzimit, po shikonte përpara dhe poshtë një "objekt që shkëlqente", me siguri ekrani i ndriçuar i një telefoni.
