Incidentet serioze që kanë ndodhur ditët e fundit në fshatrat greqishtfolës të Shqipërisë, Nartë dhe Zvërrne...
BOTA
OBSH: Mbi 1,000 të vdekur në Lindjen e Mesme, janë goditur 13 spitale
PiranjatPërditësimi i fundit 6 Mars 2026, 08:02
Organizata Botërore e Shëndetësisë ka paralajmëruar se përshkallëzimi i konfliktit në Iran dhe në rajonin e Lindja e Mesme ka shkaktuar pasoja të rënda humanitare, me më shumë se 1.000 viktima dhe mbi 100.000 persona të detyruar të largohen nga shtëpitë e tyre. Sipas organizatës, efektet e krizës po ndihen në të paktën 16 vende të rajonit.
OBSH njofton se deri tani janë konfirmuar 13 sulme ndaj institucioneve shëndetësore dhe spitaleve në Iran, si dhe një tjetër në Liban. Organizata thekson se këto sulme përbëjnë shkelje të së drejtës ndërkombëtare humanitare dhe rrezikojnë jetën e pacientëve dhe personelit mjekësor.
Një tjetër shqetësim i madh, sipas OBSH-së, janë rreziqet që lidhen me impiantet bërthamore në rajon, të cilat mund të përbëjnë një kërcënim serioz për shëndetin publik nëse situata përkeqësohet.
Ndërkohë, për shkak të përkeqësimit të situatës së sigurisë, operacionet në Qendrën e Mbështetjes Logjistike të Emergjencave Shëndetësore Globale të organizatës në Dubai, në Emiratet e Bashkuara Arabe, janë pezulluar përkohësisht.
OBSH bën të ditur se po bashkëpunon ngushtë me zyrat e saj lokale në vendet e prekura për të monitoruar ndikimin e konfliktit në sistemet shëndetësore dhe për të ofruar ndihmë aty ku është më e nevojshme.
Në përfundim, organizata u bën thirrje të gjitha palëve të përfshira në konflikt të respektojnë ligjin ndërkombëtar dhe të mbrojnë institucionet shëndetësore, personelin mjekësor dhe pacientët, duke theksuar se paqja mbetet “terapia” më e mirë për rajonin.
