Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
BOTA
Olimpiada e çudirave në Milano-Cortina 2026
PiranjatPërditësimi i fundit 23 Shkurt 2026, 11:14
Spektakli më i madh sportiv në botë dhe një vatër historish të çuditshme e të mrekullueshme.
Lojërat Olimpike gjithmonë janë shoqëruar me të papritura dhe Milan-Cortina 2026, nuk ka qenë ndryshe.
Ja disa nga historitë që nuk mendonim se do t’i shihnim gjatë javëve të fundit.
Injeksione në penis në kërcimin me ski Olimpiada ende nuk kishte nisur kur Agjencia Botërore Anti-Doping (WADA) reagoi ndaj pretendimeve se kërcyes meshkuj me ski po injektonin penisin me acid hialuronik, substancë që nuk është e ndaluar në sport – për të rritur përmasën para matjes së kostumeve.
Sa më e madhe sipërfaqja e kostumit, aq më shumë qëndrim në ajër.
Drejtori i përgjithshëm i WADA-s, Olivier Niggli, tha: “Nëse do të dilte diçka në dritë, do ta shqyrtonim për të parë nëse lidhet me dopingun.”
Drejtori i komunikimit i Federatës Ndërkombëtare të Skive dhe Snowboard-it (FIS), Bruno Sassi, i tha BBC Sport: “Nuk ka pasur kurrë asnjë tregues, e aq më pak prova, që ndonjë garues ka përdorur injeksione me acid hialuronik për të fituar avantazh.”
Por kjo nuk ishte fundi i titujve për kërcimin me ski. Më vonë gjatë Lojërave, austriaku Daniel Tschofenig u skualifikua nga gara individuale në kodrën e madhe për shkak se kishte veshur çizme katër milimetra më të mëdha se sa lejonin rregullat.
Rrëfim tradhtie drejtpërdrejt në TV
Norvegjezi Sturla Holm Lægreid fitoi medaljen e bronztë në biatlonin 20 km individual dhe më pas pranoi drejtpërdrejt në televizion se kishte tradhtuar të dashurën.
Ai tha se kishte pasur një lidhje tre muaj më parë dhe e quajti “gabimin më të madh”, duke shtuar se kishte qenë “java më e keqe e jetës sime” pasi i kishte treguar partneres së tij gjashtëmujore.
“Kisha medaljen e artë në jetë,” tha ai.
Të nesërmen, ish-e dashura e tij, duke shkruar në mënyrë anonime në gazetën norvegjeze VG, tha se “nuk zgjodhi të vihej në këtë situatë” dhe se ishte e vështirë të falësh, “edhe pas një deklarate dashurie para gjithë botës.”
Medalje që thyhen Ndodhi në Paris 2024 dhe ndodhi sërish në Milano-Cortina 2026: medalje që prishen.
Dy kampionet amerikane, Breezy Johnson dhe Alysa Liu, zbuluan se shiriti i medaljeve të tyre të arta u shkëput pak pasi i morën.
Medalja e Johnson u prish gjatë një interviste me BBC Sport. Ajo tha: “Ja medalja. Dhe ja shiriti. Dhe kjo është pjesa e vogël që duhet ta mbajë medaljen dhe po, u shkëput.”
Zyrtarët e Lojërave thanë se do t’i kushtonin vëmendje maksimale medaljeve, pasi momenti i dorëzimit është një nga më të rëndësishmit për sportistët.
Skandal në curling Akuza për mashtrim. Fyerje mbi akull. Dyshime për filmime të fshehta. Në curling?!
Kanadezi Marc Kennedy u përfshi në një debat të ashpër verbal me suedezin Oskar Eriksson në fund të fitores 8-6 të Kanadasë.
Suedezët besonin se Kennedy kishte prekur dy herë gurët – një veprim i paligjshëm.
Më pas edhe Zvicra e raportoi për të njëjtën shkelje. Federata Botërore e Curling njoftoi se do të vendoste zyrtarë shtesë për të kontrolluar rastet e “double-touch”.
Edhe kanadezja Rachel Homan dhe britaniku Bobby Lammie u penalizuan për raste të ngjashme, megjithëse jo të qëllimshme.
Qeni që ndoqi garueset Menduam se i vetmi “Dogg” që do të shihnim do të ishte Snoop Dogg.
Por një qen i vërtetë, një Wolfdog çekosllovak, u fut në pistë dhe ndoqi skiatorët në sprintin ekipor të femrave në Tesero.
Atletja greke Konstantina Charalampidou tha: “U bëra e famshme me një qen që kaloi vijën e finishit dhe tani të gjithë duan të më intervistojnë.”
Minioni në Milano Patinatori artistik spanjoll Tomas-Llorenc Guarino Sabate ka patinuar gjatë sezonit me muzikë nga seria e filmave “Minions”, i veshur si personazhet.
Në Olimpiadë pati probleme me të drejtat e autorit për këngën “Happy”, të kënduar nga Pharrell Williams, por pas negociatave mori lejen për ta përdorur. Megjithatë, përfundoi në vendin e 25-të.
Punët më të pazakonta Në curling pamë teknikun që “guralecësonte” akullin duke ecur si Michael Jackson. Në patinazh artistik, operatorë kamerash me aftësi të jashtëzakonshme mbi akull.
Në Livigno, “shefat e ngjyrës” vizatonin vijat blu mbi borë me saktësi të pabesueshme mbi ski. Ndërsa punëtorët që pastronin halfpipe-in nga bora e lirë bënin poza si Mo Farah dhe Usain Bolt.
Sipas organizatorëve, rreth 25,000 persona punojnë në këto Lojëra, prej të cilëve 18,000 janë vullnetarë./Përktheu Piranjat News, marrë nga BBC
