Teksa protesta kundër projektit në Zvërnec po hyn në ditën e saj të gjashtë dhe po merr përmasa kombëtare, kryemi...
BOTA
Vdes pacienti me kancer i lënë në dyshemenë e spitalit
PiranjatPërditësimi i fundit 27 Janar 2026, 17:41
Franco Amoroso, pacienti me kancer i cili u fotografua i shtrirë në dysheme në sallën e pritjes së urgjencës në spitalin në Senigallia, Marche në Itali, ka ndërruar jetë. Fotoja e tij bëri xhiron e mediave dhe rrjeteve sociale.
Ai ishte 60 vjeç dhe luftonte me përsëritjen e kancerit të zorrës së trashë. Atij iu desh të shtrihej në dysheme pasi priti tetë orë për një barelë për shkak të dhimbjeve të forta që e pengonin të ulej për periudha të gjata.
"Ka pak staf dhe ata që punojnë nxitojnë. Menaxhmenti duhet të bëjë diçka për ta parandaluar këtë", tha gruaja e tij për Il Resto del Carlino.
Pas incidentit, menaxhmenti strategjik i Autoritetit Shëndetësor Lokal të Ankonës (AST) urdhëroi menjëherë hetime të brendshme në Departamentin e Emergjencave të Senigallias për të hetuar se çfarë ndodhi në të vërtetë.
AST deklaroi: "Ky menaxhment do të jetë përgjegjës për analizimin e të gjitha rrethanave që e çuan pacientin të zgjidhte këtë zgjidhje, e cila duket të jetë jashtëzakonisht e rëndë, duke pasur parasysh se një situatë e ngjashme nuk ka ndodhur kurrë në Spitalin Principe di Piemonte në Senigallia."
