Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Panik në teatrin e Londrës/ Evakuohen njerëzit që po ndiqnin shfaqjen e Shekspirit! I hyri një fishekzjarr dhe…
E.DPërditësimi i fundit 8 Gusht 2024, 08:49
ANGLI- Ndjekësit e teatrit në Shakespeare’s Globe u detyruan të evakuohen pasi një fishekzjarre u fut në ambientet e hapura të teatrit të Londrës mbrëmë. Shfaqja e Antony and Cleopatra të William Shakespeare u ndërpre rreth orës 22:00 të së mërkurës, ndërsa shfaqja po i afrohej finales, kur fishekzjarrët me ngjyrë të kuqe ndriçuan qiellin e natës dhe dëgjoheshin britma.
Siç raportohet një fishekzjarrë e cila përfundoi në teatër bëri që një pjesë e publikut të largohejh me vrap, duke shkaktuar erë dhe tym. Mark Johnson, i cili po ndiqte shfaqjen në ditëlindjen e tij të 30-të, tha se ishte një mrekulli që askush nuk u lëndua.
Besohet se fishekzjarrët u ndezën si pjesë e një shfaqjeje nga tifozët e futbollit që festonin ditëlindjen e një klubi algjerian, me video në mediat sociale që tregojnë dhjetëra mjete piroteknike që ndriçonin qiellin mbi Thames.
Mark Johnson tha se të gjithë ishin të hutuar nga drita e kuqe e ndezur, ndërsa anëtarët e stafit u shfaqën në skenë për të ndaluar performancën dhe për t’i drejtuar anëtarët e audiencës në bodrum, ku ata qëndruan për 20 minuta përpara se t’u thuhej se mund të largoheshin nga vendi i shfaqjes.
Ndërsa shkonin për në bodrum, një mesazh u shfaq në një ekran në skenë. Aty shkruhej për fat të keq është e nevojshme të përfundohet performanca. Ju lutemi dilni nga teatri duke ndjekur udhëzimin nga ekipi ynë drejtues. Ekipi i biletave do të përpunojë rimbursimet sa më shpejt të jetë e mundur dhe do t’ju kontaktojë nëse është e nevojshme.
