Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Pas një pauze disa vjeçare qeveria amerikane do të fillojë mbledhjen e kredive studentore të pa paguara
n.fPërditësimi i fundit 22 Prill 2025, 13:48
SHBA- Pas një pauze prej shumë vitesh, qeveria amerikane njoftoi se do të fillojë mbledhjen e kredive studentore të pa paguara muajin e ardhshëm. Masa prek më shumë se pesë milionë njerëz që nuk po shlyejnë kreditë e tyre studentore dhe katër milionë të tjerë me vonesa të gjata shlyerjeje.
Në vitin 2020, gjatë mandatit të tij të parë, Donald Trump kishte ndaluar mbledhjen e borxhit kolosal të studentëve që rëndonte shumë familje si pjesë e masave për të mbështetur amerikanët gjatë pandemisë Covid-19.
Ky afat u zgjat më pas nga Presidenti Joe Biden, i cili vazhdimisht u përpoq të fshinte një pjesë të madhe të borxhit të studentëve. Por në vitin 2023, Gjykata e Lartë e SHBA, përbërja ultrakonservatore e së cilës u formua gjatë mandatit të mëparshëm presidencial të Trump, hodhi poshtë disa nga këto masa lehtësimi.
Sekretarja e Arsimit Linda McMahon justifikoi rifillimin e mbledhjes së borxhit të studentëve duke thënë se qeveria nuk ka autoritetin kushtetues për të shlyer borxhin dhe denoncoi politikat e papërgjegjshme të administratës Biden.
Të interesuarit do të marrin një njoftim zyrtar me email brenda dy javësh, njoftoi Ministria e Arsimit. Njoftimi i Departamentit të Arsimit u kritikua ashpër nga Qendra për Mbrojtjen e Huamarrësve Studentorë, një organizatë që përfaqëson dhe mbron individët që kanë marrë kredi studentore. Masa është brutale dhe do të zhysë familjet e punës në një kaos edhe më të madh financiar, denoncon ai në një deklaratë.
Në Shtetet e Bashkuara, studimet universitare mund të kushtojnë diku nga 10,000 deri në 70,000 dollarë në vit, duke i lënë të diplomuarit me një barrë dërrmuese borxhi ndërsa fillojnë jetën e tyre profesionale. Sipas Departamentit të Arsimit, 42.7 milionë njerëz kanë borxh 1.6 trilion dollarë në kredi studentore. Sipas Qendrës Kërkimore Pew, një në katër të rritur amerikanë nën 40 vjeç i detyrohej mesatarisht 20,000 deri në 25,000 dollarë borxh për kredi studentore në 2023.
