Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Pas përmbytjeve shkatërruese/ Spanja miraton "lejen e re klimatike", 4 ditë pushim të paguar gjatë motit ekstrem
ZH.LLPërditësimi i fundit 29 Nëntor 2024, 20:09
permbytjet
SPANJË- Punëtorëve në Spanjë do t'u jepet deri në katër ditë pushim me pagesë nëse nuk mund të shkojnë në vendin e tyre të punës për shkak të motit ekstrem.
Këshilli i Ministrave i vendit miratoi të enjten "lejen e re klimatike" me shpresën për të garantuar sigurinë e qytetarëve kur ka një rrezik serioz dhe të afërt.
Ai u testua në zonat e prekura nga ngjarja katastrofike e motit 'DANA' në fund të tetorit dhe tani do të shtrihet në mbarë vendin.
Ligji për pushimet me pagesë mbron të drejtat e punëtorëve për të mos shkuar në punë në rast katastrofash ose alarme të motit të lidhura me klimën që mund t'i vënë ata në rrezik.
Pushimi klimatik, i frymëzuar nga legjislacioni i ngjashëm në Kanada, do të bazohet në alarmet për katastrofat klimatike ose meteorologjike nga autoritetet.
Masat e reja pritet të hyjnë në fuqi, me statusin e ligjit, do të publikohet në Fletoren Zyrtare të Shtetit (FSH). Ai do të duhet të vërtetohet brenda një muaji në Kongresin e Deputetëve.
Përmbytjet e paprecedentë në rajonin e Valencias vranë më shumë se 200 njerëz këtë vjeshtë dhe lanë shumë të tjerë pa akses në gjërat thelbësore si uji i pastër i rrjedhshëm dhe ushqimi. Një numër kompanish u kritikuan për detyrimin e punonjësve që të vazhdojnë të punojnë gjatë katastrofës. Ata thonë se paralajmërimet nga autoritetet erdhën shumë vonë dhe nuk kishin informacion të mjaftueshëm për të vlerësuar rrezikun siç duhet.
Ligji i ri për mbrojtjen e punëtorëve u miratua së bashku me një paketë ndihme të mëtejshme prej 2.3 miliardë eurosh për të prekurit nga tragjedia.
