Një atentat me armë zjarri ka tronditur zonën e Pimonte, në provincën e Napolit, duke rikthyer në vëmendje konfliktet e vje...
BOTA
Pas vendimit të Trump, Google Maps ndryshon emrin e Liqenit Ontario në “Liqeni i Amerikës”
PiranjatPërditësimi i fundit 31 Gusht 2026, 10:25
Google ka përditësuar aplikacionin e tij Maps duke ndryshuar emrin e Liqenit Ontario në “Liqeni i Amerikës” , në përputhje me një urdhër të fundit të Presidentit Donald Trump për ndryshimin e emrit të liqenit, bëri të ditur gjiganti global i teknologjisë.
Përditësimi i Google Maps vjen disa ditë pas urdhrit të Trump, në një kohë kur lufta tregtare me Kanadanë është përshkallëzuar dhe të dyja vendet kanë vendosur miliarda dollarë tarifa shtesë ndaj mallrave të njëri-tjetrit.
Ky veprim i Google ngjason me atë të vitit 2025, kur Trump nxori një urdhër për ndryshimin e emrit të Gjirit të Meksikës në “Gjiri i Amerikës”.
Google tha në një postim në blog të publikuar të shtunën se vendimi bazohet në praktikën e kompanisë për të përdorur emërtimet e përcaktuara nga Sistemi i Informacionit të Emrave Gjeografikë të SHBA-së (GNIS).
“Njerëzit që përdorin Maps në SHBA do të shohin ‘Lake America’, ata në Kanada do të vazhdojnë të shohin ‘Lake Ontario’, ndërsa përdoruesit jashtë SHBA-së dhe Kanadasë do të shohin të dy emrat”, tha Google në një deklaratë të shkurtër. Kompania shtoi se këto përditësime ndjekin politikën e saj afatgjatë për trupat ujorë që kanë emra të ndryshëm nga një vend në tjetrin dhe se ndryshimet kanë nisur të aplikohen.
Vendimi i Trump të enjten për ndryshimin e emrit të liqenit u prit me tallje dhe indiferencë si në Kanada, ashtu edhe në Shtetet e Bashkuara.
Të shtunën, kryeministri i Ontarios, Doug Ford, iu përgjigj urdhrit të Trump me një mesazh në përmasat e një billboard-i, të vendosur në bregun kanadez të liqenit: “Lake Ontario. Tani dhe përgjithmonë.”
Shtëpia e Bardhë, zyra e kryeministrit kanadez Mark Carney dhe zyra e Doug Ford nuk kishin dhënë menjëherë një koment të dielën lidhur me vendimin e Google.
