Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
BOTA
Pentagoni kufizon aksesin e gazetarëve në zyrën e shtypit, ja shkaku
PiranjatPërditësimi i fundit 3 Qershor 2026, 09:29
Pentagoni ka marrë një vendim të ri i cili ndalon hyrjen e gazetarëve në zyrën e tij të shtypit. Hapësira e tij është klasifikuar si zonë e sigurisë së lartë ku trajtohen dhe ruhen informacione të rëndësishme shtetërore, gjë e cila do të kufizojë aksesueshmërinë nga gazetarët në vijim.
Sipas autoriteteve amerikane të mbrojtjes, ky ndryshim është bërë për shkak të punës që kryhet brenda asaj zyre. Në të nuk punojnë vetëm zëdhënës të Pentagonit, por edhe staf që merret me përgatitjen e deklaratave zyrtare dhe kanë akses në informacione shumë të rëndësishme gjë e cila i penalizon personat e paautorizuar dhe gazetarët të kenë akses.
Zyra e shtypit në Pentagon ka qenë një nga pikat më të rëndësishme ku gazetarët kanë akses të drejtpërdrejtë për të marrë informacion, për të bërë pyetje dhe për të ndjekur nga afër zhvillimet e përditshme të institucionit ushtarak. Vendimi i ri kufizon aksesin fizik në zyra duke ndryshuar mënyrën se si media do të komunikojë me Pentagonin. Zyrtarët kanë sqaruar se vendimi nuk ka te bëjë me ndërprerje e komunikimit me median dhe se gazetarët do të vazhdojnë të informohen përmes konferencave për shtyp por jo duke qenë fizikisht brenda asaj zyre.
Sipas The Associated Press për shumë vite, gazetarët e Pentagonit kishin kredenciale që u jepnin atyre lëvizje të gjerë në ndërtesë ndërsa kërkonin të bashkëvepronin me zyrtarët e shtypit atje. Por tetorin e kaluar, shumica e mediave dorëzuan kartat e hyrjes dhe dolën nga Pentagoni në vend që të pranonin kufizimet e vendosura nga qeveria në punën e tyre.
