Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Presion ndaj Scholz që të mos garojë për një mandat të dytë! Sondazhet: Popullariteti i tij me publikun në rënie
ZH.LLPërditësimi i fundit 19 Nëntor 2024, 21:56
Olaf Scholz
GJERMANI- Kancelari gjerman Olaf Scholz po përballet me një presion në rritje për të lejuar ministrin popullor të Mbrojtjes Boris Pistorius të kandidojë si kandidati kryesor për partinë e tij në zgjedhjet e parakohshme në shkurt.
Anëtarë të lartë të Social Demokratëve (SPD) të Scholz-it iu bashkuan korit të zërave që kërkonin që ai t'i hapte rrugën Pistorius, ndërsa një sondazh tregoi se popullariteti i tij me publikun ishte kishte pësuar rënie.
Gjermania do të mbajë zgjedhje shtatë muaj më herët se sa ishte planifikuar pas rënies së koalicionit trepartiak të Scholz-it në fillim të këtij muaji. Scholz ka sinjalizuar se dëshiron të kandidojë për një mandat të dytë si kancelar, por me partinë e tij që mbetet në sondazhe, disidentët po bëjnë thirrje që ai të rishqyrtojë.
Norbert Walter-Borgans, një ish-udhëheqës i SPD-së, tha se ai besonte se Pistorius do të kishte një shans më të mirë për të mundur kandidatin konservator për kancelar Friedrich Merz, i cili aktualisht kryeson garën.
“Scholz e ka shpëtuar vendin tonë nga shumë kërcënime në një kohë jashtëzakonisht të vështirë”, tha Walter-Borgans për gazetën Rheinische Post.
"Por... Merz mund të ndalet vetëm me një kancelar (kandidat) që ka forcën për të bërë ndryshimin në një mënyrë autokritike dhe të arritshme," shtoi ai.
Pistorius zuri vendin e parë në një renditje të politikanëve më të njohur gjermanë të publikuar nga e përditshmja Bild të martën, ndërsa Scholz kishte rënë nga vendi i 19-të në vendin e 20-të.
