Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Putin kërkon riemërimin e Mishustin si kryeministër i Rusisë, paraqet propozimin në Dumën e shtetit
n.fPërditësimi i fundit 10 Maj 2024, 09:53
Mikhail Mishustin dhe Putin
RUSI- Presidenti rus, Vladimir Putin ka propozuar riemërimin e Mikhail Mishustin si kryeministër të vendit. Lajmin e ka njoftuar sot kryetari i dhomës së ulët të parlamentit.
Miratimi i emërimit të Mishustin nga Duma është pothuajse i sigurt, pasi praktikisht nuk ka asnjë opozitë në parlament, e cila e ka mbështetur Putinin në të gjitha vendimet e tij, përfshirë pushtimin e Ukrainës në shkurt 2022.
Siç kërkohet nga ligji rus, qeveria dha dorëheqjen pak para se Putini të betohet për një mandat tjetër gjashtë-vjeçar të martën, pas rizgjedhjes së tij në zgjedhjet e marsit.
"Presidenti Vladimir Vladimirovich Putin i paraqiti Dumës së Shtetit një propozim për kandidaturën e Mikhail Vladimirovich Mishustin për postin e kryeministrit," tha kryetari i Dumës së Shtetit Vyacheslav Volodin përmes Telegramit.
“Sot deputetët do të marrin një vendim të përgjegjshëm në emër të zgjedhësve të tyre për këtë çështje,” shtoi ai.
Putin emëroi Mishustin në postin e kryeministrit në janar 2020, duke zëvendësuar Dmitry Medvedev. Mishustin, si anëtarët e tjerë të elitës ruse, ka qenë objektivi i sanksioneve perëndimore për luftën në Ukrainë.
