Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Raporti: Numri i vrasjeve në Suedi në vitin 2024 ishte në nivelin më të ulët në një dekadë
n.fPërditësimi i fundit 31 Mars 2025, 17:04
SUEDI- Numri i vrasjeve në Suedi, e cila ka luftuar për vite me radhë për të frenuar dhunën e bandave, ra në vitin 2024 në nivelin më të ulët që nga viti 2014. Sipas një raporti të publikuar sot në vitin 2024 u regjistruan 92 raste të dhunës vdekjeprurëse, 29 më pak se në vitin 2023.
“Kur bëhen krahasime mes viteve, duhet të merret parasysh se viti 2023 ishte një vit në të cilin një numër jashtëzakonisht i lartë i grave dhe të miturve ranë viktima të dhunës vdekjeprurëse në krahasim me vitet e mëparshme,” tha në një deklaratë Jan Lundbeck.
Në vitet e fundit, Suedia është përballur me sulme me armë dhe pajisje shpërthyese të lidhura me konfliktet e bandave. Autorët janë shpesh adoleshentë të rinj që punësohen si vrasës sepse janë nën 15 vjeç, mosha e përgjegjësisë penale në Suedi.
Edhe pse sulmet e armatosura kanë rënë, ato mbeten mjetet më të zakonshme të dhunës, me armë zjarri të përdorura në 45 vrasje, tetë më pak se në vitin 2023. Policia suedeze gjithashtu njoftoi në janar se numri i sulmeve me armë u ul në vitin 2024 për të dytin vit radhazi, me 296 sulme të tilla, një rënie prej 20% nga viti i kaluar.
Policia ia atribuoi rënien aftësisë së përmirësuar për të "parandaluar dhe penguar" aktet e dhunshme. Qeveria e krahut të djathtë të kryeministrit Ulf Kristersson, e mbështetur në parlament nga Demokratët e Suedisë, një parti kundër imigracionit, erdhi në pushtet në vitin 2022 duke premtuar se do të godiste krimin.
Në fillim të vitit 2025, vendi u trondit nga sulmi më i keq i armatosur në historinë e tij: më 4 shkurt, 35-vjeçari Rikard Andersson sulmoi qendrën e arsimit të të rriturve Campus Risbergska në qytetin e Örebro dhe vrau 10 persona përpara se të kthente armën kundër vetes.
