Një telefonatë anonime ka alarmuar policinë e Tiranës në lidhje me një bombë të vendosur në shkollën Edit Du...
BOTA
Refuzoi të kryente marrëdhënie seksuale, burri vret të renë në mënyrë barbare
PiranjatPërditësimi i fundit 30 Prill 2026, 19:48
Chiara Poggi dyshohet se është vrarë nga Andrea Sempio “për motive të ulëta, të lidhura me urrejtjen ndaj viktimës pas refuzimit të një afrimi seksual”.
Ky është rindërtimi i prokurorisë së Pavias dhe i karabinierëve të njësisë hetimore të Milanos, të cilët në orët e fundit i kanë dorëzuar Sempios një thirrje për t’u paraqitur, duke ndryshuar akuzën nga vrasje në bashkëpunim në vrasje të qëllimshme.
Ndër rrethanat rënduese të ngritura është edhe ajo e mizorisë për “egërsinë e veprimit”, si dhe numrin dhe rëndësinë e plagëve të shkaktuara ndaj viktimës, “nga të cilat të paktën 12 plagë në kafkë dhe në fytyrë”.
Arma me të cilën u vra Chiara Poggi nuk specifikohet nga prokuroria e Pavias në thirrjen për paraqitje ndaj Andrea Sempios. Bëhet fjalë për një “mjet goditës” që, sipas akuzave të reja të prokurorëve dyshohet se është përdorur “në mënyrë të përsëritur” kundër viktimës nga miku i Marco Poggi, mëngjesin e 13 gushtit 2007, pas një “përplasjeje fillestare”.
Sipas akuzës së re, nga e cila është hequr bashkëpunimi me Alberto Stasin, i dënuar përfundimisht për vrasjen, apo me persona të panjohur, goditjet e para janë dhënë në “zonën frontale të majtë”, duke e rrëzuar në tokë 26-vjeçaren.
Më pas, 38-vjeçari nga Vigevano dyshohet se e ka tërhequr Chiara Poggi “drejt derës së hyrjes së bodrumit”. Aty ajo thuhet se ka tentuar të “reagojë”, duke u vendosur “në gjunjë e duar”, por është goditur sërish me “3-4 goditje” duke i shkaktuar “humbjen e ndjenjave”.
Trupi më pas dyshohet se është “rrëshqitur përgjatë shkallëve” dhe Sempio është “sulmuar sërish” me “të paktën 4-5 goditje”.
Sipas hetuesve të Pavias dhe karabinierëve të Njësisë Hetimore të Milanos, të cilët në akuzën e re përmbledhin edhe rezultatet e ekspertizave të muajve të fundit, këto goditje të fundit kanë qenë fatale për Chiara Poggi, për shkak të “dëmtimeve të rënda”. /PiranjatNews/
