Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
BOTA
Rriten infektimet me virusin Ebola, 956 raste të konfirmuara, 247 viktima
PiranjatPërditësimi i fundit 21 Qershor 2026, 23:07
Numri i rasteve të konfirmuara në laborator të epidemisë së virusit Ebola në Republikën Demokratike të Kongos është rritur në 956, nga të cilat 245 kanë qenë fatale.
Sipas mediave të huaja, një ditë më parë, Ministri i Shëndetësisë i vendit, Samuel Roger Kamba, raportoi 933 raste dhe 245 vdekje. Ai konfirmoi se, 80 pacientë janë shëruar dhe janë larguar nga qendrat e trajtimit për sëmundjen shumë ngjitëse.
Shpërthimi aktual, i shpallur më 15 maj, është shkaktuar nga lloji më i rrallë i virusit Budibuguyo, për të cilin aktualisht nuk ka trajtim ose vaksinë specifike. Shumica e shpërthimeve të mëparshme janë shkaktuar nga lloji Zaire i virusit, për të cilin ekziston një vaksinë.
Është i 17-ti në vendin e gjerë të Afrikës Qendrore. Megjithatë, autoritetet shëndetësore vlerësojnë se virusi kishte qarkulluar i pazbuluar për ca kohë para se të shpallej epidemi. Ebola ka vrarë të paktën 15,000 njerëz në Afrikë gjatë pesëdhjetë viteve të fundit, me shkallën e vdekshmërisë së sëmundjes që varion midis 25% dhe 90%, sipas OBSH-së.
Epidemia më vdekjeprurëse në Republikën Demokratike të Kongos kishte marrë jetën e gati 2,300 njerëzve nga një total prej 3,500 rastesh midis viteve 2018 dhe 2020.
