Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Samiti për Ukrainën/ Rubio zhvillon bisedë me Sekretarin e Jashtëm të Britanisë, DASH: SHBA e gatshme të negociojë për t'i dhënë fund konfliktit
r.llPërditësimi i fundit 3 Mars 2025, 21:10
rubio, lammy
SHBA- Sekretari amerikan i Shtetit, Marco Rubio ka zhvilluar një bisedë me Sekretarin e Jashtëm të Mbretërisë së Bashkuar David Lammy lidhur me samitin e zhvilluar ditën e djeshme në Londër për Ukrainën. Në deklaratën e Departamentit të Shtetit thuhet se Rubio ka konfirmuar se SHBA janë të gatshme të negociojnë për t'i dhënë fund konfliktit Ukrainë-Rusi dhe do të vazhdojnë të punojnë me Mbretërinë e Bashkuar drejt paqes.
"Sekretari i Shtetit Marco Rubio foli sot me Sekretarin e Jashtëm të Mbretërisë së Bashkuar David Lammy për të diskutuar samitin e liderëve të thirrur nga Britania e Madhe më 2 mars për Ukrainën. Sekretari falënderoi Sekretarin e Jashtëm Lammy për rolin e Mbretërisë së Bashkuar në inkurajimin e Evropës për të siguruar mbrojtjen e saj dhe për të nxitur paqen në Ukrainë. Sekretari konfirmoi se Shtetet e Bashkuara janë të gatshme të negociojnë për t'i dhënë fund konfliktit Ukrainë-Rusi dhe do të vazhdojnë të punojnë me Mbretërinë e Bashkuar drejt paqes në Ukrainë.", thuhet në deklaratën e DASH.
Dhjetëra liderë prej Evropës, Kanadasë, Turqisë dhe NATO-s janë mbledhur në një samit të mbajtur më 2 mars në Londër, pas një jave të ngjeshur të diplomacisë, e cila kulmoi me një takim të shoqëruar me përplasje dhe tensione mes Zelenskyt dhe Trumpit në Shtëpinë e Bardhë.
Diskutimet me tone të ashpra mes Zelenskyt dhe Trumpit para kamerave kanë tronditur liderët evropianë, meqë ndër të tjera, presidenti ukrainas është akuzuar për mungesë respekti ndaj SHBA-së, dhe që po rrezikon të gjithë “duke luajtur bixhoz me Luftën e Tretë Botërore”.
Si Starmer, ashtu edhe Macroni, i kanë bërë thirrje Trumpit që të mos braktisë Ukrainën, dhe të jetë më i ashpër me Rusinë, në vizitat që kanë zhvilluar ndaras në Shtëpinë e Bardhë një javë më parë. Këto takime janë zhvilluar para vizitës së Zelenskyt në Uashington, i cili është larguar nga SHBA-ja pa nënshkruar marrëveshjen për minerale, të cilën Trump e konsideronte shumë të rëndësishme për bashkëpunimin e mëtejshëm. Trump ka thënë pas takimit se Zelensky “nuk është gati për paqe nëse Amerika është e përfshirë në të”, dhe që “mund të kthehet kur të jetë gati për paqe”.
