Ka nisur në gjykatë seanca për caktimin e masës së sigurisë ndaj këngëtarit Jozefin Marku dhe shoferit të tij, Kr...
BOTA
Shefi i agjencisë bërthamore: S’ka asnjë provë se Irani po ndërtonte armë bërthamore
PiranjatPërditësimi i fundit 3 Mars 2026, 23:21
Një zyrtar i lartë i Shtëpisë së Bardhë ka thënë se pikëpamja e tyre përputhet me atë të Agjencisë Ndërkombëtare të Energjisë Atomike (IAEA) lidhur me programin bërthamor të Iranit, ka raportuar “Sky News”. Megjithatë, media ka raportuar se kjo është kundërshtuar pjesërisht nga shefi i Agjencisë.
Shefi i IAEA-së, Rafael Mariano Grossi, ka thënë se ndonëse nuk ka prova që Irani po ndërton një bombë bërthamore, ekipit të tij nuk i është dhënë qasje e plotë në programin bërthamor, gjë që sipas tij përbën shqetësim serioz.
“Kam qenë shumë i qartë dhe konsistent në raportet e mia mbi programin bërthamor të Iranit: ndërsa nuk ka pasur prova se Irani po ndërton një bombë bërthamore, rezervat e tij të mëdha të uraniumit të pasuruar pothuajse të nivelit të armëve dhe refuzimi për t’u dhënë inspektorëve të mi qasje të plotë janë shkak për shqetësim serioz.
Për këto arsye, raportet e mia të mëparshme tregojnë se nëse dhe derisa Irani të ndihmojë IAEA-në në zgjidhjen e çështjeve të pazgjidhura të mbrojtjes, agjencia nuk do të jetë në gjendje të ofrojë siguri se programi bërthamor i Iranit është ekskluzivisht paqësor”, ka shkruar ai.
Ndërkohë, “Sky News” ka përfshirë edhe raportimin e një prej gazetarëve të medias, i cili ka përcjellë deklaratën e Grossit.
“Irani mund të ketë qenë ditë apo javë larg nga një armë nëse ata do të përpiqeshin për këtë. Dhe ata kishin të gjithë kapacitetin për ta përmbushur këtë”, ka cituar gazetari Mark Stone – Grossin.
