Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
BOTA
Skandali Epstein/ Qeveria heq Andrew nga lista mbretërore pas hetimeve
PiranjatPërditësimi i fundit 21 Shkurt 2026, 11:27
Qeveria britanike po konsideron një ligj për të hequr Andrew Mountbatten-Windsor nga radhitja për fronin, duke e penguar që të mos bëhet kurrë Mbret. Ministri i Mbrojtjes, Luke Pollard, tha se ky ishte “veprimi i duhur”, pavarësisht rezultateve të hetimit policor mbi Andrew, i cili u arrestua për dyshimin keqpërdorim në detyrë dhe u lirua nën hetim.
Andrew mbetet aktualisht i teti në linjën për fron, pavarësisht se iu hoqën titujt e princit në tetor 2025 për shkak të lidhjeve të tij me financuesin pedofil Jeffrey Epstein. Lëvizja për të ndryshuar linjën e pasardhësve do të kërkonte një akt të Parlamentit, miratimin mbretëror të Mbretit dhe mbështetjen e 14 vendeve ku Charles III është kreu i shtetit.
Disa parti, përfshirë Liberal Demokratët dhe SNP, kanë shprehur mbështetje, ndërsa disa deputetë të Labour janë më të rezervuar, duke argumentuar se është e pamundur që Andrew të arrijë fronin. Heqja nga radhitja gjithashtu do ta largonte nga roli i këshilltarit të shtetit, që zëvendëson Mbretin kur është i sëmurë ose jashtë vendit.
Andrew kishte tërhequr vëmendjen publike që nga viti 2019 pas intervistës për marrëdhënien e tij me Epstein. Hetimet policore në pronën e tij Royal Lodge pritet të vazhdojnë dhe zyrtarët paralajmërojnë se procesi mund të zgjasë./ Raportoi BBC, Përktheu Piranja News/
