Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Skandali që bëri bujë në Itali dhe solli dorëheqjen e ministrit, biznesmenia italiane: Në këtë të vërtetë nuk jam vetëm unë, ka dhe gra të tjera të perfshira
r.llPërditësimi i fundit 7 Shtator 2024, 18:59
maria rosaria boccia
ITALI- Ministri i Kulturës në Itali, Gennaro Sangiuliano një ditë më parë i dorëzoi dorëheqjen e parevokueshme kryeministres Giorgia Meloni, pas gjithë bujës që shkaktoi lidhja e tij jashtëmartesore me influencuesen dhe biznesnemen italiane, Maria Rosaria Boccia. Në një letër, ai falënderoi Giorgia Melonin që sipas tij e ka mbrojtur me vendosmëri dhe shprehet krenar për rezultatet e arritura në politikat kulturore. Sangiuliano gjithashtu i kërkoi falje gruas së tij në intervistën e së mërkurës dhe pretendoi se ai e kishte ndërprerë lidhjen e tij me Boccian gjatë verës.
Lidhur me gjithë ngjarjen dhe skandalin që bëri bujë ka reaguar edhe vetë biznesmenia italiane Maria Rosaria Boccia. Në një intervistë në programin In onda në La7, i transmetuar menjëherë pas dorëheqjes së ministrit, Boccia tha: “Nuk jam e lumtur. Ai e meritonte atë post: ai është një person shumë kompetent. Për mendimin tim, ai është gjithashtu një person i mirë. Ai u gjend në një situatë që nuk dinte ta trajtonte dhe më vjen shumë keq sepse e meritonte atë post. Por ndoshta sot pas gjithë stuhisë mediatike që kemi përjetuar ishte e nevojshme. Megjithatë, ai mund ta kishin bërë këtë duke thënë të vërtetën që në fillim.”
Për çështjen e vizitave institucionale në të cilat biznesmenja ka shoqëruar gjithmonë ministrin, përgjigja e Boccia-s ishte: “Më duhej të përshtatesha me metodën ministrore”.
Dhe më pas, e pyetur sërish mbi temën e kësaj të vërtete të paspecifikuar që ministri, sipas Boccia, nuk e kishte thënë ende. Ajo u shpreh se në këtë histori janë të përfshira edhe gra të tjera.
“Unë i kërkoj ministrit të them të vërtetën, sepse nëse ju më kërkoni të them të vërtetën, në këtë të vërtetë nuk jam vetëm unë, ministrja aty janë të përfshira aq shumë gra që sot nuk po i përmendim akoma dhe që unë për detyrë të së vërtetës duhet të permendi dhe nuk me pelqen. I kërkoj ministrit të thotë të vërtetën për ne. Mendoj se e gjithë kjo situatë duhet të shuhet sa më shpejt të jetë e mundur pa dëmtuar më tej askënd dhe pa përfshirë njerëz që nuk kanë qenë të përfshirë deri më tani”., është shprehur ajo.
Gjithçka filloi kur më 26 gusht Boccia publikoi një postim në llogarinë e saj në Instagram duke falënderuar Sangiuliano për emërimin e saj si këshilltare të ministrit për ngjarjet e mëdha, një emërim i mohuar më vonë nga ministria. Ky postim shkaktoi një sërë reagimesh mes tyre, edhe ndërhyrja e kryeministres Giorgia Meloni dhe një letër nga Gennaro Sangiuliano në të cilën ministri dha anën e tij të historisë mbi dy temat kryesore të diskutimit, përkatësisht nëse Boccia ka marrë pjesë ndonjëherë në takimet operacionale në G7 në Pompei, në të cilat kishte diskutuan sigurinë, dhe nëse Ministria e Kulturës ka paguar ndonjëherë udhëtimet e Boccia-s, e cila javët e fundit ishte fotografuar shpesh në shoqërinë e ministrit anembanë Italisë, por nuk ka pasur kurrë një detyrë zyrtare, shkruajnë mediat italiane.
