Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
BOTA
Stuhia "Darragh" godet Britaninë e Madhe/ Ndërprerje të energjisë elektrike dhe anulime të trenave, mbi 100 paralajmërime për përmbytje
ZH.LLPërditësimi i fundit 7 Dhjetor 2024, 17:25
stuhia Darragh
LONDON- Dhjetëra mijëra njerëz në të gjithë Mbretërinë e Bashkuar mbetën pa energji të shtunën në mëngjes pasi stuhia "Darragh" goditi vendin me erëra të forta dhe shkaktoi ndërprerje të udhëtimeve para Krishtlindjeve.
Zyra Met në Mbretërinë e Bashkuar lëshoi një alarm të rrallë të kuq për erëra të forta gjatë natës deri të shtunën në mëngjes, duke mbuluar pjesë të Uellsit dhe Anglisë jugperëndimore.
Qeveria paralajmëroi 3 milionë njerëz që jetonin në zonë me një sinjalizim të ngjashëm me sirenën në telefonat e tyre që të qëndrojnë në shtëpi të premten mbrëma.
Sekretari i biznesit Jonathan Reynolds tha se stuhia përbënte një "situatë sfiduese". "Rreth 3 milionë shtëpi do të kenë sistemin e alarmit të urgjencës në telefonin e tyre celular. Unë thjesht do të inkurajoja këdo që e ka pasur këtë të ndjekë këshillat," tha Reynolds për Sky News të shtunën.
"Darragh", stuhia e katërt e emërtuar e sezonit, pritet gjithashtu të sjellë shi të dendur gjatë fundjavës, me më shumë se 100 paralajmërime për përmbytje dhe alarme në vend në të gjithë Mbretërinë e Bashkuar.
Një burrë vdiq pasi një pemë ra në furgonin e tij gjatë stuhisë, tha policia në Lancashire, Anglia veriperëndimore.
Sipas agjencisë së lajmeve PA, në Uells, Zyra e Metologjisë vlerësoi shpërthime deri në 150 km / orë, të cilat ndërprenë energjinë për mbi 50,000 njerëz. Ndërprerjet e energjisë kanë prekur 86,000 shtëpi në Angli, Skoci dhe Uells, sipas Shoqatës së Rrjeteve të Energjisë.
Trenat u ndërprenë ose u pezulluan në disa rrugë, duke përfshirë nga Glasgow në Edinburg në Skoci dhe midis Kembrixhit dhe Aeroportit Stansted në Anglinë lindore. Operatori hekurudhor CrossCountry vendosi një njoftim "mos udhëto" për të shtunën për shkak të anulimeve dhe vonesave të rënda.
Network Rail Wales pezulloi trenat në bregdetin verior të Uellsit për shkak të "një peme të rënë që bllokonte linjën" dhe disa ura në Anglinë jugore dhe Uells u mbyllën për arsye sigurie.
Në Irlandën e Veriut, mijëra mbetën pa energji elektrike dhe disa shërbime të autobusëve dhe trenave u pezulluan ose u vonuan.
Tregjet e Krishtlindjeve dhe ngjarjet sportive u shtynë, duke përfshirë derbin midis liderëve të Premier League, Liverpool dhe Everton.
Në Irlandë, e cila lëshoi një paralajmërim "portokalli" për erën, 400,000 njerëz mbetën pa energji elektrike. Aeroporti i Dublinit tha se një "një numër fluturimesh të planifikuara për të shtunën në mëngjes janë anuluar nga linjat ajrore" për shkak të stuhisë.
Darragh vjen dy javë pasi stuhia Bert goditi pjesën më të madhe të Britanisë, duke shkaktuar përmbytje në pjesë të Uellsit dhe duke ndërprerë energjinë në mijëra shtëpi në Irlandë.
