Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
BOTA
Takimi historik i dy sandokanëve
PiranjatPërditësimi i fundit 26 Shkurt 2026, 10:24
Në Festivalin e Sanremos 2026, u shënua një moment historik kur dy aktorët që kanë interpretuar personazhin ikonë Sandokan u takuan në skenën e Ariston-it. Aktori i paharrueshëm Kabir Bedi, i njohur nga seriali televiziv i vitit 1976, u takua me Can Yaman, i cili luan të njëjtin personazh në remake-in e ri të transmetuar në Rai1. Ky moment bashkoi tre breza dhe 50 vite histori të serialit.
80-vjeçari Bedi falenderoi publikun italian për dashurinë dhe respektin e treguar gjatë pesë dekadave: “Faleminderit për dashurinë tuaj, për respektin që më keni dhënë në këto 50 vjet.” Can Yaman e përshëndeti me një gjest tradicional turk, duke puthur duart e tij dhe më pas duke i prekur me ballë, duke shpjeguar: “Kështu bëjnë të rinjtë në Turqi me të mëdhenjtë.” Bedi u shpreh i emocionuar për praninë në Sanremo, një festival “i njohur në mbarë botën.”
Kabir Bedi foli për përgjegjësinë e interpretimit të rolit të Sandokan: “Të jesh Sandokan është një përgjegjësi e madhe, është një figurë ikonike. Jemi shumë të lumtur që interpretojmë këtë personazh kaq të rëndësishëm për kulturën italiane. Njerëzit na admirojnë jo vetëm për interpretimin tonë, por edhe për atë që Sandokan përfaqëson.” Ai gjithashtu e përgëzoi Can Yaman, duke i thënë: “Ti je një pasardhës dinjitoz.”
