Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
BOTA
Tensione në rritje, Izraeli godet objektiva të nivelit të lartë në Iran, në shënjestër kreu i Këshillit të Sigurisë
PiranjatPërditësimi i fundit 17 Mars 2026, 10:08
Izraeli ka ndërmarrë një sulm ajror gjatë natës në territorin iranian, duke shënjestruar kreun e Këshillit të Sigurisë Kombëtare të Iranit, Ali Larijani. Kwshtu raporton The Jerusalem Post. Zyrtarë izraelitë kanë konfirmuar sulmin, por mbetet ende e paqartë nëse Larijani ka mbetur i vrarë apo i plagosur nga goditja.
Ndërkohë, një tjetër operacion ajror izraelit në Iran ka pasur në shënjestër drejtues të lartë të Palestinian Islamic Jihad, përfshirë liderin Akram al-Ajouri, sipas burimeve të Ministrisë së Mbrojtjes. Shefi i Shtabit të Forcave të Armatosura izraelite, Eyal Zamir, deklaroi se gjatë natës janë kryer “sulme të rëndësishme” që mund të kenë ndikim të drejtpërdrejtë në zhvillimin e operacioneve ushtarake.
Ai theksoi se këto goditje vijnë pas një serie sulmesh të fundit në Iran, që kanë pasur në shënjestër elementë të lidhur me skenën palestineze. Sipas tij, disa operativë të lartë të përfshirë në aktivitete terroriste nga Gaza dhe Bregu Perëndimor ishin strehuar në një objekt në Teheran në momentin e sulmit. Zhvillimet e fundit sinjalizojnë një përshkallëzim të ndjeshëm të tensioneve në rajon, ndërsa situata mbetet e paqartë dhe në evoluim.
