Një rrugë me kalldrëm, e ndërtuar rreth 7,000 vjet më parë, është zbuluar nën ujërat e Detit Adriatik pran&e...
BOTA
Tentuan të kontrabandonin 5500 'milingona mbretëreshë' në tregjet e kafshëve ekzotike/ Gjyakata në Kenia dënon katër persona
m.lPërditësimi i fundit 7 Maj 2025, 14:03
KENIA- Një gjykatë në Kenia ka dënuar katër persona, dy prej të cilëve janë belgë 18-vjeçarë, me një vit burg ose një gjobë prej një milion shilingash keniane (6,810 euro) për përpjekje për të kontrabanduar milingona të gjalla jashtë vendit.
Rasti bëri bujë në vendin e Afrikës Lindore, pasi Shërbimi i Jetës së Egër të Kenias (KWS), agjencia kombëtare e jetës së egër, i akuzoi të katër për përfshirje në "biopirateri". Belgët 18-vjeçarë David Lornois dhe Sepp Lodewiks, vietnamezi Duh Hung Nguyen dhe keniani Dennis Nganga u deklaruan të gjithë fajtorë për posedim milingonash, por mohuan akuzat se kishin kërkuar të kontrabandonin insektet.
Sipas padisë, në të cilën AFP kishte qasje, të dyshuarit belgë u arrestuan më 5 prill në një shtëpi mysafirësh në brigjet e liqenit Naivasha, në Kenian qendrore, në posedim të 5,000 milingonave mbretëreshë të specieve Messor cephalotes, vendase në rajon, të cilat i kishin vendosur në 2,244 epruveta.
Një dokument gjykate thotë se milingonat, me një vlerë tregtare të vlerësuar në rreth 6,780 euro, mund të mbijetojnë për të paktën dy muaj në tuba. Nganga dhe Nguyen, sipas aktakuzës kundër tyre, u arrestuan më 5 prill në qarqet Nairobi dhe Matsaka me disa qindra milingona në rreth 140 tuba. Edhe ata e pranuan fajësinë.
Të dy rastet ishin të ndryshme, por të katërta u gjykuan së bashku. Zotërimi i çdo specieje ose kafshe të egër trofe pa leje është një vepër penale në Kenia, e dënueshme me një gjobë minimale prej afërsisht 8,800 eurosh dhe/ose një dënim të mundshëm me burg prej të paktën 5 vjetësh.
Gjykata vendosi që të dyshuarit mund të vuajnë një dënim me një vit burg ose të paguajnë një gjobë prej një milion shilingash keniane (rreth 6,810 euro), shuma që vlerësohet, sipas policisë, të jetë vlera e milingonave.
Shërbimi KWS kishte ngritur një padi kundër tyre, duke argumentuar se veprimi i tyre jo vetëm që përbën "një krim kundër jetës së egër, por edhe një akt biopiraterie".
"Të dyshuarit “kishin për qëllim t’i kontrabandonin milingonat në tregjet e kafshëve ekzotike me vlerë të lartë në Evropë dhe Azi, ku kërkesa për specie të rralla insektesh është në rritje”, tha ajo në një deklaratë.
