Në fillim të viteve ’90, Shqipëria kishte një pasuri që nuk ishte krijuar nga ekonomia, por ishte trashëguar nga natyra, me ...
BOTA
Tentuan të ngjyrosnin rozë avionin e kancelarit Merz, arrestohen 3 persona
PiranjatPërditësimi i fundit 23 Janar 2026, 17:56
Policia gjermane ka arrestuar tre persona në një hangar (hapësirë ku qëndrojnë aeroplanët) ku ndodhej edhe avioni privat i kancelarit Friedrich Merz.
Dy gra dhe një burrë, të moshës 23, 28 dhe 56 vjeç, aktivistw klimatikw, dyshohet se kishin synim të dëmtonin avionin, thanë prokurorët në qytetin e lindjes së Merz-it, Arnsberg, në Gjermaninë perëndimore, raporton DPA, përcjell Kosovapress.
Ata u arrestuan, të enjten, për shkelje të pronës pasi kishin hyrë pa autorizim në aeroportin e këtushëm gjatë natës.
Merz, i cili mori detyrën në majin e kaluar, është një pilot i apasionuar dhe jeton në Arnsberg, rreth 400 kilometra në jugperëndim të Berlinit.
Një grup i quajtur “Resistance Collective” ka marrë përsipër përgjegjësinë për tentativën, duke thënë se kishin në plan ta lyenin me ngjyrë rozë avionin në mënyrë që duke e bërë të tillë, ta pamundësonin fluturimin e tij, e bashkë me të, edhe të kancelarit.
Akivistët, sipas njoftimit tw grupit, mbanin një pankartë në të cilin shkruante “Mobilitet për të gjithë, jo vetëm për super të pasurit” ndërsa kishin në plan që në vendngjarje ta lenin një bicikletë si një mjet transmporti më miqësor me ambientin e klimën.
