Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Tragjedia në Korenë e Jugut/ Dy të mbijetuarit jashtë rrezikut për jetën, komunikojnë normalisht dhe kujtojnë shpërthimin
E.DPërditësimi i fundit 30 Dhjetor 2024, 20:44
KOREJA E JUGUT- Dy të mbijetuarit e rrëzimit më vdekjeprurës të avionit të Koresë së Jugut po trajtohen në spitalet në Seul ndërsa hetuesit nisin hetime të gjera si për rrëzimin ashtu edhe për operacionet më të gjera të aviacionit të vendit. Të mbijetuarit e vetëm, një burrë dhe një grua, ishin në mesin e gjashtë ekuipazhit në bordin e Jeju Air Boeing 737-800 kur ai doli jashtë kontrollit në pistë, u përplas me një mur dhe shpërtheu në flakë të dielën në mëngjes. Në bordin e avionit ndodheshin gjithsej 181 persona.
Burri i mbijetuar, i cili pësoi fraktura dhe po kujdeset në një njësi të kujdesit intensiv, ishte normalisht i vetëdijshëm dhe po fliste me stafin mjekësor të hënën, tha Joo Wong, drejtor i Spitalit Universitar Ewha Womans të Seulit. Ndërsa stjuardesa, është në gjendje të komunikojë plotësisht shtoi Wong.
"Nuk ka ende shenja të humbjes së kujtesës apo diçka të tillë," tha ai.
Autoritetet po punonin të hënën për të konfirmuar identitetin e më shumë se 30 nga 179 personat e vrarë kur avioni u rrëzua. Trupat e 141 personave ishin identifikuar përmes gjurmëve të gishtërinjve ose ADN-së, por 38 prej të vdekurve mbetën të paidentifikuar.
Ndërkohë, ministria e transportit e Koresë së Jugut tha se do të kryejë një inspektim të plotë të të gjithë avionëve Boeing 737-800 në përdorim në vend. Gjashtë kompani ajrore me kosto të ulët operojnë gjithsej 101 avionë të këtij modeli, përfshirë 39 të operuar nga Jeju Air, e cila ka bërë të qartë se nuk do të pezullojë operimin e këtyre avionëve.
