Kryeministri shqiptar, Edi Rama, synon të ashpërsojë gjatë ditëve të ardhshme legjislacionin që rregullon demonstratat, duke ...
BOTA
Tragjedia/ Rëndohet bilanci i zjarrit në Crans-Montana, raportohet për 47 të vdekur dhe 100 të plagosur!
PiranjatPërditësimi i fundit 1 Janar 2026, 18:52
Të paktën 47 të rinjë humbën jetën kur një zjarr shpërtheu në një disko në Zvicër gjatë festimeve të Vitit të Ri.
Më shumë se 100 persona ndodheshin në diskon ‘Le Constellation’ në resortin Crans-Montana, kur shpërthimi shkaktoi zjarr rreth orës 1:30 të mëngjesit të së enjtes, ndërsa nuk dihet ende shkaku.
‘Përfaqësia jonë diplomatike në Zvicër është në kontakt të vazhdueshëm me autoritetet vendase të cilat informojnë se po vijojnë me verifikimet për identifikimin e personave që kanë humbur jetën. Deri në momentin që flasim, nga komunikimet me autoritetet zvicerane nuk ka të dhëna për shtetas shqiptarë mes viktimave të tragjedisë në Crans-Montana. Përfaqësia jonë diplomatike mbetet në kontakt me autoritetet përgjegjëse në Zvicër për informacione të reja, në orët në vijim’, thuhet në reagim.
Sipas mediave të huaja, fotografitë e publikuara nga mediat zvicerane treguan një ndërtesë në flakë, si dhe ambulanca dhe zjarrfikëse në vendngjarje. Pjesa më e madhe e barit raportohet të jetë nën nivelin e tokës, me një hyrje të ngushtë.
Gaetan Lathion, një zëdhënës i policisë në kantonin Valais, në jugperëndim të Zvicrës, tha: “Konfirmoj se ka disa të vdekur dhe po shohim shumë të plagosur… Ndërhyrja është ende duke vazhduar.”
Dëshmitarët i thanë stacionit radiofonik zviceran Rhône FM se ambulanca “të panumërta” dhe disa helikopterë po i çonin të plagosurit me nxitim në spitale.
Policia ka mbyllur zonën përreth barit dhe është vendosur një zonë ndalim-fluturimi mbi Crans-Montana, një vendpushim modern në zemër të Alpeve Zvicerane, rreth 25 milje në veri të Matterhorn. Ai do të zhvillojë eventin e skijimit FIS World Cup në fund të janarit. Lathion tha se hetuesit po përpiqeshin të përcaktonin shkakun e shpërthimit.
“Jemi vetëm në fillim të hetimit tonë, por ky është një vendpushim skijimi me famë ndërkombëtare dhe shumë turistë”, tha ai. Ai shtoi se ishte ngritur një qendër pritjeje dhe një linjë ndihme për familjet e prekura
