Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Tronditi Netanyahun me dorëheqjen/ Reagon për herë të parë ish-ministri Gantz: Dua që pengjet të kthehen në shtëpi
E.DPërditësimi i fundit 14 Qershor 2024, 15:24
IZRAEL- Benny Gantz dha dorëheqje nga kabineti izraelit i luftës javën e kaluar dhe tani ka deklaruar se Izraeli e di sesa pengje janë ende gjallë në Gaza. Siç raportohet ai është përgjigjur se dinë një numër të përafërt. Në intervistën e parë që nga dorëheqja, Gantz tha gjithashtu se qeveria e dinte fatin e familjes Bibas, të cilët ishin ndër pengjet më 7 tetor dhe se publiku do ta dinte në kohën e duhur. Gjithashtu ushtria izraelite publikoi një video që dyshohet se tregon një familje të gjallë në Gaza më 7 tetor. Ndërsa Hamasi tha se ata u vranë në një sulm ajror izraelit në muajin nëntor.
Gantz la të kuptohet se foshnja dhe fëmija u vranë gjatë robërimit, si dhe prindërit e tyre. Kur u pyet nëse kërkesa e Hamasit për një armëpushim të përhershëm ishte një çmim që ai do të ishte i gatshëm të paguante, ai u përgjigj se nëse ka ndryshime në luftime dhe pengjet tanë kthehen dhe ne bëjmë atë që duhet të bëjmë në Rripin e Gazës brenda një ose dy viti, ky nuk është problem.
“Unë dua që pengjet të kthehen në shtëpi. Sa më gjatë që Izraeli pret dhe pret për një marrëveshje pengjesh, aq më i lartë ishte çmimi. Kur ndodhi 7 tetori, ne ishim të gjithë në të njëjtën anën dhe punonim në sinkron. Por, gjërat ndryshuan. Unë nuk u dorëzova vetëm, por u përpoqa t’i paralajmëroja dhe t’i korrigjoja. Kur e kuptova se ishte e pamundur, u largova," tha Gantz.
Ndryshe, qeveria e kryeministrit izraelit, Benjamin Netanyahu ka marrë një goditje të madhe me largimin e Gantzit pasi ai për një kohë ishte mbështetësi më i madh i kabinetit të luftës.
