Surpriza më e madhe e fazës në grupe të këtij Botërori është padyshim Meksika. Një nga tre vendet organizator...
BOTA
U përfol për skandalin seksual me ministrin, zyrtarja krijon parti politike: Do të quhet SEKS!
PiranjatPërditësimi i fundit 2 Prill 2026, 20:18
Ish-sekretarja e shtetit në Ministrinë e të Drejtave të Njeriut dhe të Pakicave në Mal të Zi, Mirjana Pajković, ka njoftuar themelimin e një partie të re politike me emrin “Stranka Evropskog Koraka Slobode”, që në shqip do të thotë Partia e Hapit Evropian të Lirisë, me akronimin SEKS.
Pajković ka deklaruar se synon të hyjë në parlament me këtë subjekt të ri.
Gjatë një intervistë televizive, Pajković theksoi se zgjedhja e emrit nuk është thjesht një provokim, por një mesazh për lirinë dhe hapësinë për shprehje që, sipas saj, mungon në politikën dhe jetën publike të vendit. Ajo gjithashtu foli për profilin e saj në një platformë për të rritur, duke theksuar se aktiviteti aty është i autorizuar dhe nën kontrollin e saj të plotë.
Ky hap politik vjen disa muaj pas një skandali publik që përfshiu emrin e Pajković në fund të vitit të kaluar, lidhur me publikimin e videove intime. Materialet, që u shpërndanë në rrjetet sociale, përfshinin edhe ish-këshilltarin e presidentit dhe ish-drejtor të një agjencie shtetërore të sigurisë. Pas shpërndarjes së videove, të dy dhanë dorëheqje nga postet zyrtare.
Pajković ka ngritur disa padi penale për shpërndarje të paautorizuar të materialeve, duke e cilësuar këtë një shkelje të privatësisë së saj dhe duke akuzuar ish-këshilltarin për shpërndarje dhe kërcënime, të cilat ai i ka mohuar.
Në intervistën e saj të fundit, Pajković u shpreh se partia SEKS synon të hapë një dialog të ri social, të rrisë pjesëmarrjen demokratike dhe të mbrojë të drejtat e qytetarëve.
