Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Ulje e volumit të trafikut deri në 30%", Parisi po mbyll gradualisht qendrën e qytetit për makinat
ZH.LLPërditësimi i fundit 5 Nëntor 2024, 21:24
Foto ilustruese
PARIS- Autoritetet në Paris kanë filluar të kufizojnë trafikun e automjeteve në një pjesë të madhe të qendrës së qytetit, ndërsa thonë se do të fillojnë të vendosin gjoba nga pranvera e 2025. Ndalimi ka të bëjë me katër rrethe komunale në qendër të kryeqytetit francez. Faza e provës do të zgjasë tre muaj, periudhë që mund të zgjatet deri në gjashtë muaj.
Zona e trafikut të kufizuar (ZTL), shtëpia e rreth 100,000 njerëzve dhe 11,000 bizneseve, është pjesë e një përpjekjeje më të gjerë të kryebashkiakut socialist Ann Hidalgo për të reduktuar trafikun dhe për të inkurajuar çiklizmit dhe transportin publik në të gjithë qytetin, i cili është plot me makina.
Në veçanti, zona mbulon rrethin e parë, të dytë, të tretë dhe të katërt, një sipërfaqe prej 5,5 kilometrash katrorë që përfshin pjesën më të madhe të qendrës historike të Parisit dhe disa nga monumentet e tij më të njohur, duke përfshirë Luvrin.
Siç vë në dukje The Guardian, qasja me makina, motoçikleta, kamionë dhe furgonë do të lejohet vetëm për shërbimet e urgjencës, autobusët, taksitë, njerëzit me lëvizshmëri të kufizuar, shoferët që jetojnë ose punojnë atje dhe ata që hyjnë për një arsye specifike, si për shembull për një arsye mjekësore, takim, vizitë miqsh ose vajtje në një dyqan, kinema ose restorant.
Numri i madh i përjashtimeve e bën të pamundur zbatimin automatik me CCTV, kështu që autoritetet e Parisit do të mbështeten në sinjalistikën e dukshme, kontrollet e rastësishme dhe një sistem deklarimi elektronik. Shifrat e bashkisë tregojnë se nga 350,000 deri në 500,000 automjete hyjnë në ZTL çdo ditë.
Zyrtarët presin që ZTL të çojë në një “ulje të konsiderueshme” të volumit të trafikut deri në 30% në rrugët më të ngarkuara, duke ulur nivelet e zhurmës dhe duke përmirësuar cilësinë e ajrit.
Benjamin Netanyahu dhe Yoav Gallant
IZRAEL- Kryeministri izraelit Benjamin Netanyahu ka shkarkuar ministrin e tij të mbrojtjes, Yoav Gallant, dhe ka e...
