Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Ushtria izraelite vret gabimisht pesë ushtarë të vet
e. dPërditësimi i fundit 16 Maj 2024, 17:09
GAZA- Ushtria izraelite tha sot se pesë trupa të tyre u vranë gabimisht në një betejë në Gaza. Gjithashtu ushtria tha se pesë ushtarët u vranë kur dy tanke izraelite qëlluan gabimisht me predha një ndërtesë ku ndodheshin trupat e tyre.
“Pesë ushtarë të Batalionit 202 të Parashutistëve u vranë mbrëmë në një incident me viktima masive si rezultat i zjarrit të forcave tona”, deklaroi ushtria, duke shtuar se shtatë trupa të tjerë u plagosën.
Luftimet e ashpra janë ndezur sërish në veri pas paralajmërimeve të ushtrisë për përpjekje të Hamasit për të rindërtuar aftësitë ushtarake muaj pasi Tel Avivi kishte deklaruar se kishin eliminuar militantët e grupit palestinez.
Megjithatë fokusi kryesor i ushtrisë ka qenë Rafah pranë kufirit egjiptian, ku kryeministri Benjamin Netanyahu ka urdhëruar një ofensivë në kundërshtim me paralajmërimet e SHBA-së se më shumë se një milion civilë të strehuar atje mund të vriten.
Ndërkohë Washingtoni mbështetësi kryesor politik, diplomatik dhe ushtarak i Izraelit për një kohë të gjatë i ka kërkuar vazhdimisht aleatit që të ndërmarrë hapa më të mëdhenj për të mbrojtur dhe ndihmuar civilët dhe të bëjë një plan të pasluftës për Gazën për të shmangur përfshirjen në një fushatë të gjatë kundër kryengritjes.
Më shumë se shtatë muaj pas konfliktit të shkaktuar nga sulmi i Hamasit të 7 tetorit, forcat izraelite po vazhdojnë të luftojnë kundër militantëve palestinezë në Rafah dhe në zona të reja të Gazës.
