Ngërçi me pagat në sistemin e drejtësisë ka sjellë edhe bojkotin e parë nga administrata gjyqësore.
Punonjësit...
BOTA
“Vdes George Soros”/ Kush e hapi lajmin e rremë për shuarjen e miliarderit
PiranjatPërditësimi i fundit 16 Maj 2023, 22:00
Ka ardhur reagimi i vetë George Soros pas një lajmi pak para mesnatës së djeshme, të hënën, në Twitter, se multimilioneri i famshëm kishte dhënë frymën e fundit.
“Thashethemet se kam pasur atak në zemër janë të rreme. Unë jam gjallë dhe mirë”, – shkroi Soros në llogarinë e tij zyrtare në Twitter herët të martën. Thashethemet për vdekjen e Soros u ndezën nga një postim në llogarinë “Politics For All Ireland” me vetëm 3 ndjekës në Twitter – një postim që është fshirë.
Ky postim u ndihmua të bëhej viral nga një llogari në Twitter që i përket një teoricieni të njohur konspirativ. “Daily Mail” shkruan se postimi i të cilit thoshte se Soros kishte “pësuar një atak në zemër”. Postimi i tij u shpërnda nga 750 mijë perosna të tjerë në mënyrë të rrufeshme,
Mohimi i parë erdhi nga një përfaqësues i Fondacionit George Soros, i cili i pyetur për këtë tha se “George Soros është gjallë dhe mirë. Thashethemet në rrjetet sociale se ai ka pësuar një atak në zemër dhe ka vdekur janë të rreme”.
Megjithatë, kjo nuk është hera e parë që George Soros “vdes” pasi në vitin 2013 Reuters bëri një gabim dhe publikoi një nekrologji për multimilionerin amerikan, i cili mbeti “në ajër” për rreth 30 minuta përpara se agjencia e lajmeve të kërkonte falje”.
Janë disa teori mbi arsyet e sulmeve ndaj Soros. Multimiliarderi hungarezo-amerikan është në shënjestër të forcave të ekstremit të djathtë, por edhe të kosnpiracionistëve. /LAPSI.al
