Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Vendi në flakë/ Momenti kur ministri ndiqet me vrap nga protestuesit në Nepal, të rinjtë e godasin me shkelma
PiranjatPërditësimi i fundit 10 Shtator 2025, 09:32
Një politikan nepalez u ndoq me vrap në rrugë nga një turmë njerëzish ndërsa Kryeministri i vendit iku përpara se pallati presidencial të digjej deri në themel. Nepalezët e rinj po udhëheqin protesta të zemëruara në të gjithë vendin kundër ndalimit të mediave sociale, me dhunë që përhapet në kryeqytet dhe qytete të tjera. Pasi turma të tërbuara dogjën shtëpinë e Kryeministrit, pamjet e reja video treguan se si Bishnu Prasad Paudel ndiqej dhe sulmohej nga një turmë nëpër rrugët e Katmandusë.
Në klipin tronditës, Paudel, 65 vjeç, shihet duke vrapuar nëpër një rrugë ndërsa dhjetëra të tjerë vrapojnë pas tij. Një protestues që vjen nga ana tjetër hidhet dhe e godet me shqelma, duke e përplasur atë në një mur.
Zyrtari qeveritar ngrihet shpejt, pengohet, por fillon të vrapojë përsëri. Paudel, i cili është edhe zëvendëskryeministër i vendit, është përballur me kritika të forta që kur filloi të drejtojë çështjet ekonomike të Nepalit vitin e kaluar. Ndërsa kaosi përfshiu vendin aziatik, zjarre të pakontrollueshme mund të shihen në mes të rrugëve, ndërsa demonstruesit këndonin në grupe të mëdha.
Protestuesit i ndezën flakët duke hedhur karrige dhe objekte të tjera të ndryshme. Dhe pallati presidencial u rrafshua me tokë pasi iu vu flaka nga protestuesit e tërbuar.
Tymi u përhap në të gjithë Katmandunë, ndërsa policia e trazirave hodhi gurë dhe objekte të tjera të rënda drejt tyre. Portat e banesave private u hapën, ndërsa dyqanet dhe shtëpitë u dogjën shpejt, me trazirat që duket se nuk kishin fund. Kryeministridha dorëheqjen një ditë pasi një nga goditjet më të përgjakshme në vite la të paktën 19 të vdekur. Ai kishte filluar mandatin e tij të katërt vitin e kaluar, pas një marrëveshjeje koalicioni midis Partisë së tij Komuniste dhe Kongresit të qendrës së majtë të Nepalit.
Largimi i tij erdhi pasi tre ministra të tjerë dhanë dorëheqjen, edhe pse qeveria kishte hequr ndalimin e mediave sociale. Presidenti i vendit, Ram Chandra Poudel, tani ka filluar procesin e zgjedhjes së një udhëheqësi të ri.
