Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
BOTA
VIDEO/ Maduro mbërrin në qendrën e paraburgimit në Brooklyn, pamje te reja me pranga në duar dhe i rrethuar nga agjentët e DEA
PiranjatPërditësimi i fundit 4 Janar 2026, 08:15
Presidenti i Venezuelës, Nikola Maduro ka mbërritur në Qendrën Metropolitane të Paraburgimit në Brooklyn, raportojnë mediat amerikane.
Kjo qendër është e njohur për mbajtjen e të burgosurve me profil të lartë, përfshirë Ghislaine Maxwell dhe P. Diddy.
Ai mbërriti më herët të shtunën në një bazë ushtarake në SHBA. Më pas u dërgua në zyrat e Agjencisë Amerikane kundër Drogës (DEA) në Nju Jork, ku u padit për akuza që lidhen me drogën dhe armët, përpara se të transferohej në qendrën e paraburgimit në Brooklyn.
Maduro i ka mohuar më herët akuzat se është drejtues i një karteli droge. Maduro dhe bashkëshortja e tij pritet të dalin para një gjykatësi në Nju Jork në një datë ende të papërcaktuar.
Ndërkohë fotografi e re tregon Nicolas Maduro me pranga në duar, pasi është shoqëruar jashtë një avioni, i rrethuar nga agjentë të Administratës Amerikane kundër Drogës (DEA) dhe Hetimeve të Sigurisë Kombëtare.
NBC News, ka siguruar një imazh që duket se tregon liderin venezuelian me pranga në duar i veshur me një bluzë sportive ngjyrë blu të çelët, ndërsa shoqërohet nga zyrtarë amerikanë. Pamje të publikuara në platformën X, duket se e tregojnë Maduron të ulur në një karrige, i rrethuar nga agjentë.
Në foto ai shihet me pranga në duar, të vendosura përpara, ndërsa në një prej imazheve pozon duke bërë shenjën e “gishtit lart”. Në një tjetër pamje, ai duket duke qëndruar jashtë avionit, pak pas uljes në Nju Jork.
Në të dyja fotografitë, Maduro shihet i veshur me të njëjtën bluzë sportive blu të çelët, pantallona sportive blu të errëta, çorape të bardha dhe shapka sportive.
Footage of Venezuelan President Maduro’s perp walk at Stewart Air National Guard Base. pic.twitter.com/BgUnJgsCL3
