Ndoc Macaj, kryeplaku i fshatit Abat në Shkodër është marë i pandehur për akuzën e “Vrasjes me dashje”, pasi n&...
BOTA
VIDEO nga momenti/ “Panterat rozë” grabisin 600 mijë euro bizhuteri dhe orë luksoze, largohen qetësisht sikur nuk ka ndodhur asgjë
PiranjatPërditësimi i fundit 6 Janar 2026, 19:43
Rasti i grabitjes si në filma në argjendarinë e një kompleksi hotelier në Sani të Halkidikisë, po merr përmasa të reja, pasi një video kap momentin e arratisjes së autorëve nga kompleksi, menjëherë pas vjedhjes së bizhuterive dhe orëve me vlerë të madhe.
Materiali vizual tregon autorët duke u larguar me skutera elektrikë, me bizhuteritë e varura në qafë, duke konfirmuar mënyrën e veprimit plotësisht të organizuar dhe provokuese të grupit kriminal.
Grabitja ndodhi më 2 shtator, kur dy burra të armatosur, me fytyrat e mbuluara, iu afruan dyqanit të argjendarisë që ndodhej brenda kompleksit hotelier në Sani, Halkidiki, me skutera elektrikë. Brenda pak sekondash, ata i imobilizuan dy punonjësit dhe morën bizhuteri dhe ora luksoze me një vlerë totale prej afërsisht 580,000 eurosh, përpara se të largoheshin në të njëjtën mënyrë.
Sipas informacioneve nga protothema.gr, pasi dolën nga dyqani, autorët u zhvendosën me skuterët e tyre brenda kompleksit, siç është kapur në videon e re, dhe më pas i braktisën në parkingun e jashtëm.
Më pas ata hipën në një automjet të bardhë, të cilit i ishin afruar para grabitjes, ndërsa bashkëpunëtorët e tyre - të cilët po paraqiteshin si çift - u larguan me një makinë të zezë.
