Dy mjekët e arrestuar në hetimin për vdekjen e Giorgos Mazonakis pritet të paraqiten para prokurorit sot, të prem...
BOTA
VIDEO/ Sidneji pret vitin 2026 me spektakël fishekzjarrësh dhe masa të rrepta sigurie
PiranjatPërditësimi i fundit 31 Dhjetor 2025, 16:38
Qyteti australian i Sydney e nisi vitin 2026 me një spektakël fishekzjarresh, të zhvilluar nën një prani të shtuar policore, vetëm disa javë pasi persona të armatosur vranë 15 persona gjatë një eventi hebraik në qytet.
Festimet vjetore të natës së Vitit të Ri në Sydney janë të njohura në mbarë botën për spektaklin e tyre madhështor të fishekzjarreve, me rreth 40 mijë efekte piroteknike që shtrihen në një distancë prej shtatë kilometrash përgjatë ndërtesave dhe platformave në port, përfshirë Urën ikonike të Portit dhe Operan e Sydney-t.
Organizatorët mbajtën një minutë heshtje për viktimat e sulmit, ndërsa Ura e Portit u ndriçua me dritë të bardhë dhe mbi shtyllat e saj u projektua një menorah, simbol i njohur i judaizmit.
Autoritetet dyshojnë se një baba dhe djali i tij janë autorët e vrasjes së 15 personave gjatë një feste të Hanukës më 14 dhjetor. Ky ishte sulmi më i rëndë me armë zjarri në Australi në gati tre dekada, një ngjarje që tronditi vendin dhe rriti shqetësimet për shtimin e antisemitizmit.
Për pasojë, festimet tradicionale të Krishtlindjeve në zonën e Bondit këtë vit u zhvilluan në mënyrë më të zbehtë, ndërsa disa aktivitete të planifikuara për Vitin e Ri u anuluan.
