Detaje të reja kanë dalë në dritë nga ngjarja e rëndë e regjistruar në fshatin Karkavec, në Njësinë Adm...
BOTA
VIDEOJA prekëse tregon edukatoren duke lidhur djalin disa orë para se të vdiste
PiranjatPërditësimi i fundit 17 Prill 2026, 18:58
Një video tronditëse tregon momentet kur një çerdhe ka kufizuar një foshnjë 14-muajshe vetëm dy orë para se ai të ndërronte jetë, pasi ishte mbështjellë në një thes. Noah Sibanda humbi jetën tragjikisht nga asfiksia në një çerdhe në West Midlands të Britanisë.
Vogëlushi ishte mbështjellë në një thes gjumi, me një batanije të vendosur mbi kokë dhe ishte shtrirë me fytyrë poshtë mbi një jastëk. Punonjësja e çerdhes, Kimberley Cookson, 23 vjeçe, më pas vendosi gjurin mbi shpinën e Noah për shtatë minuta për ta ndaluar të lëvizte. Fëmija u la i mbështjellë dhe me fytyrë poshtë në një tendë të vogël për dy orë, derisa stafi kuptoi se ai nuk po merrte frymë dhe thirri shërbimet e emergjencës.
I mituri u dërgua me urgjencë në spital, por fatkeqësisht nuk mundi të shpëtohej dhe u shpall i vdekur pak më vonë. Tronditëse është fakti se kjo praktikë ishte “normale” edhe për fëmijë të tjerë në atë çerdhe.
Pamje tronditëse të publikuara nga policia tregojnë Cookson duke u përpjekur ta detyrojë Noah të flinte ndërsa ai qëndronte në tokë, i futur në një thes gjumi. Më pas, ajo vendos këmbën mbi vogëlushin për ta kufizuar, në atë që dukej si një përpjekje për “ta bërë të flinte kur ai nuk donte”.
Në një deklaratë rrëqethëse për ndikimin e viktimës, nëna e Noah, Masi Sibanda, tha se djali i saj “vdiq i vetëm, i frikësuar dhe në dhimbje”.
Ajo shtoi gjithashtu se kishte dyshime nëse trajtimi që Noah mori nga Cookson lidhej me ngjyrën e lëkurës së tyre, duke e krahasuar trajtimin e tij me atë të një “krimineli”.
Cookson është dënuar me tre vite e katër muaj burg pasi pranoi fajësinë për vrasje nga pakujdesia e rëndë. Ndërkohë, kompania u gjobit me 240,000 paund, si dhe me 56,000 paund të tjera për shpenzime ligjore. /PiranjatNews/
