Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Von der Leyen: BE dhe Emiratet e Bashkuara Arabe do të fillojnë negociatat për marrëveshjen e tregtisë së lirë
E.DPërditësimi i fundit 10 Prill 2025, 20:38
BRUKSEL- Presidentja e Komisionit Evropian Ursula von der Leyen tha se Bashkimi Evropian dhe Emiratet e Bashkuara Arabe do të fillojnë negociatat për një marrëveshje të tregtisë së lirë.
" Kjo marrëveshje do të forcojë marrëdhëniet tona dypalëshe dhe do të kontribuojë në prosperitetin e rajonit më të gjerë," shkroi von der Leyen në "X", pasi kontaktoi Presidentin dhe Sheikun e Emirateve të Bashkuara Arabe, Mohammed bin Zayed Al Nahyan, për të filluar negociatat për një marrëveshje të tregtisë së lirë.
BE-ja po ndjek partneritete tregtare me vende të treta të ndryshme dhe, sipas Komisionit, hapi pozitiv përpara i sotëm në marrëdhëniet BE-Emiratet e Bashkuara Arabe, së bashku me negocimin e marrëveshjeve më të gjera të partneritetit strategjik, mund të shërbejë si një katalizator për lidhje më të forta midis BE-së dhe Këshillit të Bashkëpunimit të Gjirit (GCC).
Von der Leyen nënvizoi historikun e fortë të BE-së në arritjen e marrëveshjeve tregtare me cilësi të lartë dhe në ndërtimin e partneriteteve bazuar në tregtinë e hapur dhe përfitimin reciprok. Në këtë frymë, negociatat e ardhshme do të fokusohen në liberalizimin e tregtisë së mallrave, shërbimeve dhe investimeve, ndërsa thellojnë bashkëpunimin në fusha strategjike si energjia e rinovueshme, hidrogjeni i gjelbër dhe lëndët e para kritike.
Ursula von der Leyen shprehu besimin se të dyja palët mund të lëvizin shpejt. Gjithashtu Komisioneri i Tregtisë Maroš Šefković së shpejti do të udhëtojë në Emiratet e Bashkuara Arabe për të çuar përpara bisedimet.
SHBA- Donald Trump shkaktoi tërmet në tregjet e bursave me tarifat e dogavane, tani pezullimi i tyre shkaktoi eufori. Presidenti amerikan duket se e...
